வவுனியா தமிழ்

நல்லாசிரியருக்கான அமெ. விருது இம்முறை இந்தியருக்கு!

2010-06-09T14:52:00.001+05:30

ஆசிரியருக்கான விருது, இம்முறை அமெரிக்க வாழ் இந்தியரான ராதிகா பிளக்காட் என்பவருக்கு வழங்கப்பட்டுள்ளது.

அமெரிக்கப் பள்ளிகளில் அறிவியல் மற்றும் கணித பாடங்களைச் சிறப்பாக கற்றுத் தரும் ஆசிரியர்களுக்கு ஜனாதிபதியின் 'நல்லாசிரியர்' விருது ஆண்டு தோறும் வழங்கப்படுகிறது. அவர்களுக்கு நல்லாசிரியர் சான்றிதழும், ரூ.5 லட்சம் பரிசும் அதிபரால் வழங்கப்பட்டு வருகிறது.

இந்த ஆண்டுக்கான சிறந்த அறிவியல் ஆசிரியருக்கான விருது, அமெரிக்காவில் வாழும் இந்தியரான ராதிகா பிளக்காட் என்பவருக்கு வழங்கப்பட்டது. இதற்கான விருதை அதிபர் ஒபாமா வழங்கிப் பாராட்டினார்.

ராதிகா பிளக்காட், மேரி லேண்டில் கல்வெர்ட் கவுண்டியிலுள்ள கண்டிங்டவுன் உயர் நிலைப்பள்ளியில் உயிரியல் ஆசிரியையாகப் பணிபுரிந்து வருகிறார். _

பிரபல கணிதத்துறை ஆசிரியர் மாரடைப்பால் மரணம்

2010-06-09T14:49:00.002+05:30

மலையகத்திலிருந்து சுமார் 200 க்கும் மேற்பட்ட பொறியியற்துறை
மாணவர்களை உருவாக்குவதற்குக் காரணமாகவிருந்த ஹட்டன் ஹைலண்ஸ் கல்லூரியின் கணிதத்துறை ஆசிரியர் கே.ஜீவராஜன் நேற்று 8 ஆம் திகதி மாரடைப்பினால் உயிரிழந்துள்ளார்.

வகுப்பில் நேற்றுக் கற்பித்துக் கொண்டிருந்த வேளை, திடீரென மயக்கமுற்றுக் கீழே விழுந்த இவர், உடனடியாக டிக்கோயா கிளங்கன் மாவட்ட வைத்திய சாலைக்குக் கொண்டு சென்றபோது உயிரிழந்ததாகத் தெரிவிக்கப்படுகின்றது.

1995 ஆம் ஆண்டிலிருந்து ஹட்டன் ஹைலண்ஸ் கல்லூரியில் உயர்தர கணிதத்துறையில் கல்விக் கற்பித்து வந்த இவரிடம் பயின்ற 200க்கும் மேற்பட்ட மலையக மாணவர்கள் தற்போது பொறியியலாளர்களாக உள்ளனர். மேலும் பல மாணவர்கள் பல்வேறு துறைகளில் பதவி வகித்து வருகின்றனர்.

இவர் பல வெளிநாட்டுப் புலமைப்பரிசில்கள் பெற்று, வெளிநாடுகளுக்கும் சென்று வந்தவராவார். ஹட்டன் கல்வி வலயத்தின் கணிதப்பாட ஆசிரியர் ஆலோசகராகவும் இவர் சேவையாற்றியுள்ளார்.

ஹட்டன் ஹைலண்ஸ் கல்லூரியைச் சேர்ந்த மாணவர்கள் சர்வதேச ஒலிம்பியாட் கணிதத்திறன் போட்டியில் திறமைகளை வெளிப்படுத்தும் வகையில் அவர்களுக்கு உரிய பயிற்சிகளை வழங்கியவர் என்பது குறிப்பிடத்தக்கது.

இந்தச் சர்வதேச ஒலிம்பியாட் கணிதத்திறன் போட்டியில் ஹைலண்ஸ் கல்லூரி மாணவர் ஒருவர் இலங்கைக்கு வெண்கலப் பதக்கமொன்றைப் பெற்றுத் தருவதற்கும் இவரே காரணகர்த்தாவாவார்.

மலையகத்தமிழ்க் கல்வித்துறை வளர்ச்சிக்குப் பெரும்பங்காற்றியவர்களில் ஒருவராகக் கருதப்படும் ஆசிரியர் ஜீவராஜனின் இழப்பு ஈடுசெய்ய முடியாததொன்றாகும்.

அன்னாரின் இறுதிக் கிரியைகள் வியாழக்கிழமை 10 ஆம் திகதி ஹட்டனில் இடம்பெறுமெனத் தெரிவிக்கப்படுகிறது. (நன்றி-வீரகேசரி)

அன்னாரது ஆத்மா சாந்தியடைய பிரார்த்திக்கின்றோம்.

நீங்காத நினைவலைகள்

2010-01-03T12:33:00.012+05:30

ஆறாத்துயரில் ஆண்டுகள் மூன்று

அன்னை மடியில்- 09-05-1951
அரன் அடியில்- 31-12-2007
அமரர் திருமதி.கிருஷ்ணவத்சலா பத்மநாதன்
அவர்கள்
திதி- 07-01-2010

நெஞ்சார எமையணைத்தே நேசமாய் நாளும்
பண்பாகப் பேசி அழகுதந்த மாமியே!
ஆண்டுகள் மூன்று அழிந்தாலும்
உன் அன்பு முகம் எம்மைவிட்டகலுமா மாமி!
பெற்ற தாய் போல் எங்களை சீராட்டி
அரவணைத்த எங்கள் அன்பு அன்னையே
இனி என்று காண்போம் உங்கள் அன்பு முகம்??

என்றும் தங்களின் நினைவலைகளில்
உற்றார் உறவினர்கள்

முத்துத்கு முத்தாக சொத்துக்கு சொத்தாக

2009-12-25T22:30:00.005+05:30

மழைக்கால இன்றைய மாலை நேரத்தில் சற்று ஓய்வாக இருந்த போது தூரத்தில் எங்கோ ஒலித்த “முத்துக்கு முத்தாக சொத்துக்கு சொத்தாக அண்ணன் தம்பி...” பாடல் என்னுள் எனது இளமை கால நினைவுகளை சற்று அசைபோட வைத்தது.

நாங்கள் உடன் பிறந்தவர்கள் 4 பேர் அண்ணா 2 பேர், 1 தங்கை. எங்களை கண்டிப்புடன் நல்வழியில் நடப்பதில் பெரியவர் அக்கரை செலுத்தினார். சிறியவர் எங்கள் கல்விவளர்ச்சியில் அக்கறை காட்டினார்.

இன்று நாங்கள் அனைவரும் திருமண பந்தத்தில் இணைந்து ஒவ்வொரு திசைநோக்கி பயணிக்கின்றோம். பெரியவர் வலைகுடா நாடொன்றிலும். சிறியவர் மற்றும் தங்கை வவுனியாவிலும். நான் திருகோணமலையிலும் வாழ்க்கையை தொடர்ந்தாலும் எங்கள் இதயங்கள் என்றும் ஒன்று பட்டே உள்ளன.
தந்தையின் மறைவிற்கு பின் என்னையையும் தங்கையையும் தாயாருடன் சேர்ந்து பாசமாக வளர்த்ததில் எங்கள் அண்ணன்மாரின் பங்கு மகத்தானது.

அப்பாடலின் ஆரம்ப வரியான “முத்துக்கு முத்தாக சொத்துக்கு சொத்தாக அண்ணன் தம்பி பிறந்து வந்தோம் கண்ணுக்கு கண்ணாக ” என்ற வரிகளை திரு.கண்டசாலா அவர்களின் குரலினில் கேட்கும் போது கண்களின் ஓரங்களில் நீர் துளிகள்...

“சின்னத் தம்பி கடைசித்தம்பி செல்லமாய் வளர்ந்த பிள்ளை...” என்ற வரிகள் என் அண்ணன்மார் பாடுவது போன்ற ஓர் உணர்வினை ஏற்படுத்த மனதை பிரிவின் வேதனை வாட்டிவிட்டது.

என்னுள் மலரும் நினைவுகளை ஏற்படுத்திய அப்பாடலை நான் முழுமையாக இணையத்தில் பலமுறை இப்பொழுது கேட்டுக் கொண்டிருக்கின்றேன். நீங்களும் கேட்டிட இவ்விணைப்பிற்கு சென்றிடுங்கள்.

Get this widget

Track details

eSnips Social DNA

face book பணப்பரிசு

2009-12-20T20:15:00.002+05:30

நண்பர் முகமட் அஸ்ரப்பின் என்னால் முடியும் என்ற பக்கத்திற்கு சென்று அவரின் பதிவில் உங்கள் கருத்துக்களை இட்டு செல்லிடத் தொலைப்பேசிக்கு மீள்நிரப்பும் தொகையினை பரிசாகப் பெற்றுக் கொள்ளுங்கள்.

இப்பரிசினை பெற்ற முதலாவது நபர் என்ற வகையில் இதை வெளியிடுகின்றேன்.

சிற்பக்கலாமணி செல்லையா சிவப்பிரகாசம் ஐயா அவர்களுடன் ஓர் சந்திப்பு

2009-12-12T22:32:00.012+05:30

சமீபத்தில் எனது அலுவலக பணி நிமித்தம் யாழ் சென்ற பொழுது ஓர் கலைப்பொக்கிசத்தை சந்திக்கும் வாய்ப்பு வடக்கு மாகாண கல்வித்திணைக்கள ஆரம்பக் கல்வி உதவிக்கல்விப்பணிப்பாளர் திரு.இ.இராஜேஸ்வரன் அவர்கள் ஊடாக சந்திக்கும் வாய்ப்பு ஏற்பட்டது. அவருடன் ஏற்பட்ட அனுபவப் பகிர்வினை இங்கு பகிர்ந்து கொள்வதில் பெருமையடைகின்றேன்.

அக்கலைஞரின் பெயர் திரு.செல்லையா சிவப்பிரகாசம் இவர்(யாழ் மத்திய கல்லூரி ஓய்வுபெற்ற சித்திர ஆசிரியராவார். அவரின் துனைவியார் ருமதி.அன்னலட்சுமி அவர்களும் அதே யாழ் மத்திய கல்லூரியின் ஓய்வுபெற்ற ஆசிரியர் என்பது சிறப்பு. இவர்களின் இரு பிள்ளைகள் - திரு.துஸ்யந்தன் -பொறியலாளர்-ஜெர்மனி, வைத்தியகலாநிதி. அனுஷியந்தன்-மகரகம புற்றுநோய் வைத்தியசாலை ஆகியோர் ஆவர்.

இவர் தனது கலைத்துறையின் பிரவேசத்தை இவ்வாறு கூறுகின்றார். “எனது சொந்த இடமான அளவெட்டி ஞானோதயாவில் 1939ஆம் ஆண்டு தரம் 05ல் படித்துக்கொண்டிருக்கும் போது குன்றன்குடி அடிகளார் எமது பாடசாலைக்கு வந்தார். அன்று நடந்த சித்திரப் போட்டியில் எனது சித்திரம் முதல் இடம் பெற்றது.

அடிகளார் என்னை அழைத்து எனது பெயரை கேட்டு அறிந்து இனி உன்வாழ்க்கை பிரகாசமாய் அமையும் என்று வாழ்தினார்.

தொடர்ந்து SSC முடித்து விட்டு ஆங்கிலம் படிப்பதற்கு தெல்லிப்பளை மகாஜெனக்கல்லூரிக்குச் சென்றேன். 1947 ல் பாடசாலைச்சின்னம், மகுடவாசகம் ஆகியவற்றை உருவாக்குவதற்கு நடைபெற்ற போட்டியில் என்னால் வரையப்பட்ட சின்னமும், “உன்னையே அறிவாய்” என்ற மகுடவாசகமும் உள்ளது.”

1952 முதல் 1956 வரை கொழும்பு கொழும்பு நுன்கலைக் கல்லூரியில் சிற்பம், ஓவியம் ஆகிய கலைகளை கற்று தேர்ச்சி பெற்றுள்ளார். அங்கு நடைபெற்ற சிற்பப் போட்டியில் ஆபிரகாம் லிங்கன் அவர்களின் சிலையை வடித்து எலிசபெத் மகாராணியின் கையினால் ரூபா 1000 பணப்பரிசினை பெற்றுள்ளார்.

இவரின் கையால் இன்று எம்முடன் அழகுற காணப்பெறும் அவரது கலைப்பொக்கிசங்கள் சில...

வவுனியாவில் உள்ள பண்டாரவன்னியன் சிலை
யாழில் உள்ள சங்கிலியன் சிலை
சேர்பொன் இராமநாதன் சிலை
வவுனியா நூல்நிலைய முகப்பை அழங்கரிக்கும் புடைப்புச் சிற்பங்கள் மற்றும் சரஸ்வதி தேவி சிலைகள்.
வவுனியா பகவான் ஸ்ரீசத்தியசாயி சேவா நிலையத்தில் உள்ள கீதை உபதேசம் செய்யும் தேர் மற்றும் அங்குள்ள 10 அவதாரச் சிற்பங்கள்

இவரது கலைப்படைப்புக்களுக்கு கிடைத்த சிறப்புக்கள் சில...

1974ல் சேர்பொன் இராமநாதனின் சிலை வடித்தமைக்காக ஸ்ரீமாவோ பண்டார நாயக்க அவர்களால் “சிற்பக்கலாநிதி” பட்டம் கிடைத்தது.
1996ல் அப்போதைய கலாச்சார அமைச்சர் லக்மன் ஜெயக்கொடி அவர்களால் “கலாபூசணம்” பட்டம் கிடைத்தது.
1996 ல் கொழும்பு சபரிமலை சாகித்திய மண்டபம் “சிற்பக்கலாமணி” என்ற பட்டத்தை வழங்கி சிறப்பித்தது.
2001 ல் சுழிபுரைம் விக்ரோறியாக் கல்லூரி ஸ்தாபகர் செல்லப்பாவின் முழு உருவச் சிலையை செய்தமைக்காக உயர்நீதிமன்ற நீதியரசர் விக்னராஜா அவர்களால் “சிற்பச்சக்கரவர்த்தி” என்ற பட்டம் வளங்கி கெளரவிக்கப்பட்டது.
2005 ல் கொழும்பில் நடைபெற்ற 5ஆவது சேக்கிழார் உலகமகாநாட்டின் போது இந்தியா சோழமண்டலம் ஆதினம் “திருத்தொண்டர் மாமணி” பட்டத்தை வழங்கியது.
2006ல் வடக்கு கிழக்கு மாகாண ஆளுநர் விருது கிடைத்தது.
2007ல் யாழ்மாவட்டத்தில் முதலாம் இடமும், வடக்கு மாகாணத்தில் முதலாம் இடமும் பெற்றமைக்காக ஜனாதிபதி விருது கிடைத்தது.

இவரின் சிற்பக் கூடத்தில் உள்ள தமிழ்நங்கையின் சிலை

இவ்வளவு சிறப்புக்கள் பெற்றுள்ள எம் பெருந்தகையின் ஆசையாக எம்மிடம் எடுத்தியம்பியது “எனது இறுதிக்காலம் வரை அற்புதமான இந்தக் கலைப்படைப்பை செய்து கொண்டே இருப்பது ” என்பது தானாம்.

பேராசிரியர் மு.இளங்கோவன்

2009-10-21T15:43:00.003+05:30

தமிழே தன் மூச்சு என்று தனது தமிழ் பணியினை செம்மனே செய்யும் எனது நண்பரும், புதுச்சேரி பலகலைக்கழகத்தில் பேராசிரியராய் பணிபுரிபவருமாகிய முனைவர் திரு. மு.இளங்கோவன் அவர்களுக்கு செம்மொழி இளம் அறிஞர் விருதினை இந்திய அரசின் செம்மொழி நிறுவனம் விருதுகளை அறிவித்திருப்பதை இட்டு மிக்க மகிழ்ச்சி அடைகின்றேன். பொருத்தமான நேரத்தில் பொருத்தப்பாடுடைய ஒருவருக்கு வழங்குவதால் அவ்விருது பெருமையடைகின்றது.

வெள்ளத்தால் அவரது புதுச்சேரி வீடு தண்ணீரில் நிரம்பியிருந்த போதும் தன்னால் சேர்க்கப்பட்ட அரிய நூல்கள் தண்ணீரில் வீனாகி விட்டதே என்று கலங்கியவர் அப்பெருந்தகை. நாம் எல்லோரும் பெரும்பாலும் பிரிசித்திப்பெற்ற பெருந்தலைவர்களைப் பற்றியே எழுதுவோம். ஆனால் அவரோ குக்கிராமங்களில் இருந்து தமிழ்ப்பணி செய்து வரும் தமிழ்ப்பெருந்தகைகளை எமக்கு தனது வலைப்பூவின் வாயிலாக எடுத்தியம்பியவர்.

இவரது நூல்கள்

இவரது வலைப்பூவினை கட்டு மகிழுங்கள்

http://muelangovan.blogspot.com/

இலங்கை பதிவர் சந்திப்பு

2009-08-11T23:40:00.004+05:30

இந்திய வலைப்பதிவர்களின் பதிவுகளில் சென்னையில் வலைப்பதிவர் சந்திப்பு, கோவையில், சேலத்தில் என்று பதிவுகள் வரும் போதெல்லாம் என்னுள் ஓர் ஏக்கப் பெருமூச்சு எழும். ஏன் இலங்கையில் ஓர் இலங்கை பதிவர்களுக்கான சந்திப்பை நாம் நடாத்தவில்லை என்று.காலச்சூழல் பொருளாதார நிலை இரண்டின் தாக்கங்களால் என்னால் அவற்றை மனதில் மட்டுமே நினைத்துப் பார்க்க முடிந்தது. இந்நிலையில் பதிவர் திரு.வந்தியதேவன் அவர்களிடம் இருந்து ஓர் மின்னஞ்சல் இலங்கையில் பதிவர் சந்திப்பு என்று. என்னுள் உற்சாகம் பீறிட்டுள்ளது. வரும் 23ஆம் திகதியாம் கொழும்பில் நிட்சயம் கலந்து கொள்ள வேண்டும்.

இப்பதிவின் மூலம் எனது மாணவர்களும் எனது ஏனைய நண்பர்களும் இச்சந்திப்பில் கலந்து சிறப்பிக்க வேண்டும் என அன்புடன் அழைக்கின்றேன்.

காலம் : 23.08.2009 ஞாயிற்றுக்கிழமை .

நேரம் : காலை 9 மணி.

இடம் : கொழும்பு தமிழ்ச் சங்க வினோதன் மண்டபம்,

இல.7, 57வது ஒழுங்கை (ருத்ரா மாவத்தையின் பின்புறம்), கொழும்பு 06.

நோக்கங்கள் :

இலங்கைத் தமிழ் வலைப்பதிவாளர்களிடம் அறிமுகத்தையும் தொடர்புகளையும் ஏற்படுத்திக்கொள்ளுதல்.

புதிய பதிவர்களை ஊக்கப்படுத்தி அவர்களுக்கு தேவையான வழிகாட்டல்களை வழங்குதல்

இலங்கைப் பதிவாளர்களின் திறமைகளை இணையத்தைவிட்டு வெளிக்கொணர முயற்சி செயதல்.

பதிவாளர்களிடையேயான கருத்துரைகள் அனுபவங்களை பகிர்ந்துகொள்ளுதல்.

பதிவர்கள் எதிர்நோக்கும் பிரச்சனைகள் அல்லது தொழில்நுட்ப சந்தேகங்களுக்கான வழிமுறைகளை ஆராய்தல்

இன்னும் பல‌..

வலைப்பதிவாளர்கள், புதிதாக வலைப்பதிபவர்கள், வலையுலக வாசகர்கள், பின்னூட்டமிடுபவர்கள் என அனைவரையும் அன்புடன் அழைக்கின்றோம்.

மேலதிக விளக்கங்களுக்கும் தகவல்களுக்கும் பின்வருவோரைத் தொடர்பு கொள்ளவும்.

லோஷன் : arvloshan@gmail.com

புல்லட் : bullettheblogger@gmail.com

வந்தி : vanthidevan@gmail.com

ஆதிரை : caskaran@gmail.com

முழுமையான நிகழ்ச்சி நிரல் அடுத்த வாரம் பிரசுரிக்கப்படும்.

இங்ஙனம்

ஏற்பாட்டுக் குழுவினர்.

பிற்குறிப்பு : மின்னஞ்சலினூடாக பலரை நாம் தொடர்புகொண்டோம் சிலரின் மின்னஞ்சல் முகவரிகள் எமக்கு கிடைக்கவில்லை ஆகவே தயவு செய்து மின்னஞ்சலில் இதனைப் பற்றிய தகவல்கள் கிடைக்காதவர்கள் எந்தவித தயக்கமின்றி எம்மைத் தொடர்பு கொள்ளவும்.

ஏதாவது கருத்துக்கள்,ஆட்சேபணைகள்,ஆலோசனைகள் இருந்தால் தயவு செய்து தெரிவிக்கவும்.

உங்களுக்கு தெரிந்த வலைப்பதிவாளர்கள், ஆர்வமுள்ளவர்களையும் அழைக்கவும்; உங்கள் வருகை பற்றி உறுதிப் படுத்தவும்.

யாரையும் தவறவிடக் கூடாது என்பதில் மிகக் கவனமாயுள்ளோம்.. யாராவது ஆரம்பிக்க வேண்டும் என்பதால் தான் நாங்கள் ஆரம்பித்துள்ளோம்.. எம்முடன் இணைந்து முன்னெடுக்க ஆர்வமுள்ளோர் வரவேற்கப்படுகிறார்கள்.

இருவாரங்கள் தாராளமாக இருப்பதால் இலங்கை முழுவதும் இருந்து பங்கேற்பை எதிர்பார்க்கிறோம்.

உங்கள் வலைத்தளங்களிலும் இதனைப் பிரசுரித்து வருகைகளை அதிகரிக்குமாறு அன்புடன் வேண்டுகிறோம்.

இனிய பிறந்தநாள் வாழ்த்துக்கள்.

2009-07-14T10:16:00.007+05:30

20-07-2009 அன்று தனது முதலாவது பிறந்தநாளை கனடாவில் கொண்டாடும் செல்வி.சாரபி அவர்களுக்கு வவுனியா தமிழ் வலைப்பதிவு சார்பாக வாழ்த்துக்களை தெரிவித்துக் கொள்வதில் மகிழ்ச்சி அடைகின்றோம்.

இனிய பிறந்த நாள் வாழ்த்துக்கள்.

2009-07-12T10:53:00.001+05:30

10-07-2009 அன்று தனது 5வது பிறந்தநாளை திருகோணமலை ஐயனார்கேனியில் வெகுவிமர்சையாக கொண்டாடிய செல்வி.சிறி.சதுர்சிகா அவர்களுக்கு எமது வவுனியா தமிழ் வலைப்பதிவின் சார்பாக வாழ்த்துக்களை தெரிவித்துக் கொள்கின்றோம்.

காதலர் தினம்

2009-02-14T06:51:00.001+05:30

உண்மையான அன்புள்ளவர்களுக்கு எந்தநாளும் காதலர் தினமே!

வவுனியாவில் தைத்திருநாள்-2009

2009-01-14T08:11:00.017+05:30

அனைவருக்கும் என் இனிய தமிழர் புதுவருட தைத்திருநாள் வாழ்த்துக்கள்.

எங்கள் வவுனியாவிலும் பொங்கல் நிகழ்வுகள் கோலாகலமாக(??!!) கொண்டாடப்பட்டது. இது தமிழர் திருநாள் அல்லவா? அதனால் நாங்கள் இதை கொண்டாடினோம்.இது எங்கட வீட்டின் தயாரிப்பு

நல்லப்பிள்ளையாய் நான்

அம்மா பொங்கல் முடிச்சிட்டாங்க இனி சாப்பாடுதான்.

தாயில்லாமல் நானில்லை. இந் நன்நாளில் தாயிடம் ஆசீர்வாதம்.

அம்மா அண்ணா அன்னி, மருமகன், மற்றும் பக்கத்து வீட்டு சிறுவர்களுடன்

இவர் இந்தப் பொங்கலுக்கு புதுவரவு. அண்ணாட மகன் பிறந்து 45 நாட்கள்.

அம்மா அதிகாலையில தன்ற வேலையை ஆரம்பிச்சிட்டாங்க.

தங்கை வீட்டுக்காரர் கடையில பொங்க வெளிக்கிட்டுட்டார்.

அதிகாலையில் பொங்கலுக்கான வேலைகள் ஆரம்பி்ச்சாச்சி.

எங்கள் வீட்டிற்கு முன்பு உள்ள அகிலாண்டேஸ்வரி சமேத அகிலாண்டேசுரர் ஆலயத்தின் ஆதரவற்ற பெண்களுக்கான சிறுவர் இல்லத்தில் நடைபெற்ற பொங்கல் நிகழ்வின் நிழற்படங்கள்.

தகவல் தொழில்நுட்ப பரீட்சை முடிவுகள்

2009-01-10T21:01:00.002+05:30

National Certificate in Information and Communication Technology பயிற்சி நெறியில் 2008 ல் பயின்ற மாணவர்களின் பரீட்சை முடிவுகள் இணையதளத்தில் வெளியிடப்பட்டுள்ளது. http://www.vtasl.slt.lk/nitc/index.htm சென்று பாருங்கள்.

இப்பயிற்சி வகுப்பில் வவுனியாவில் தேசிய இளைஞர் சேவைகள் மன்றத்தில் என்னிடம் படித்த மாணவர்களுக்கு என்னுடைய இனிய வாழ்த்துக்களையும் வரும் 15-01-2008 ஆம் திகதி தேர்வு எழுதவுள்ள தற்போது என்னிடம் பயிலும் மாணவர்கள் நல்ல முறையில் தேர்வினை எழுதி வெற்றி பெறவும் வாழ்த்துகின்றேன்.

”கடலுக்குப் பயந்தவன் கரையினில் நின்றான், முயன்றவன் அக்கடலினைக் கடந்தான், பயந்தவன் தனக்கே பகையானான், முயன்றவன் உலகிற்கு ஒளியாவான்” என்ற கவியரசின் வைரவாக்கியங்களுக்கு ஏற்ப முயன்றிடுவீர்! முனைந்திடுவீர்!! வென்றிடுவீர்!!!

பெற்றோரின் வரட்டு கௌரவத்திற்கு பிள்ளைகளா கிடைத்தார்கள்?

2009-01-04T05:48:00.006+05:30

இயந்திரதனமான இன்றைய உலகில் நாம் நமது பிள்ளைகளையும் நமது வரட்டு கௌரவத்திற்கு இரையாக்கி விடுகின்றோமே என்ற அச்சமே எனக்கு ஏற்படுகின்றது. இன்று 3 வயது நிரம்பியவுடன் பிள்ளைகளை இந்தத் பெற்றோர் படுத்தும் பாடு இருக்கின்றதே. அதைப்பற்றி தான் இன்று எழுத உள்ளேன்.

கற்றல் என்பது ஒவ்வொரு பிள்ளையின் உளவளர்ச்சி சார்ந்த ஒன்று. எல்லாப்பிள்ளைகளும் ஒரே அளவில் அறிவினை உள்வாங்குவதில்லை. ஆனால் அதை எத்தனைப் பெற்றோர்கள் சரிவரப் புரிந்து கொள்கின்றார்கள்? இங்கு பெற்றோர்கள் தங்கள் பிள்ளைகள் வகுப்பில் சரியாக மதிப்பெண் எடுக்கவில்லை என்பதால் அந்தப் பிள்ளைகளை படுத்தும் பாடு இருக்கின்றதே???? உண்மையில் பாவம் அந்தப் பிஞ்சுகள். பாடசாலையில் வைத்தே சில பெற்றோர்கள் மற்ற பிள்ளைகளுக்கு முன்பு பிள்ளைகளை அடிப்பதும் ஏசுவதும். அந்தச் சின்னஞ்சிறு மழலைகளுக்கு என்ன தான் தெரியும். பயம் கலந்த முகத்துடன் அவர்கள் போகும் போது மனது வலிக்கின்றது.

அதிலும் ஆண்டு 5 ற்கான புலமைப் பரிசில் தேர்வு இருக்கின்றதே! அதற்கு ஆண்டு 3ல் இருந்தே தயார்படுத்த தொடங்கி விடுகின்றார்கள். ஆண்டு 3ல் இருந்தே அந்தப்பிள்ளைகள் இயந்திரமாகிவிடுகின்றார்கள் இல்லை இல்லை இயந்திரமாக்கி விடுகின்றார்கள் பெற்றோர் என்பதே உண்மை.

நான் சமீபத்தில் சில பெற்றோரிடம் கதைக்கும் வாய்ப்பு கிடைத்தது. அப்போது அவர்கள் என்னிடம் கூறிய கருத்துரைகள் என்னை வேதனையின் விளிம்பிற்கு கொண்டு சென்றது.
அதாவது அவர்கள் சொல்லும் கருத்து ”தன்ர பிள்ளை மார்க் எடுத்தால் தனக்கு மதிப்பாம், அப்பதான் நாளைக்கு மற்றவையளிட்ட தாங்கள் பெருமையடித்துக் கொள்ளலாமாம், இது தங்கட கௌரவப் பிரச்சினையாம்”.

அட அறிவிழி பெற்றோரோ! உங்கட வரட்டு கௌரவத்திற்கும் பிள்ளையிட படிப்பிற்கும் என்ன தொடர்பு? நீங்கள் பீற்றிக் கொள்ள வேண்டும் என்பதற்கு ஏன் அந்த மழலைகளை கொடுமைப்படுத்துகின்றீர்கள்?

அதிலும் பாருங்கள் இந்தச் சனி,ஞாயிறுகளில் காலை 6-7 வரை யோகாசன வகுப்பாம், 7-10 பாடசாலை பாடங்கள் தொடர்பான வகுப்பாம் 10.15 - 12 வரை கணினி வகுப்பாம், 12-1.30 வரை அபாக்கஸ் வகுப்பாம்? பிறகு பி.ப 3-4.30 நடன வகுப்பாம் 4.30- 6 மணி வரை ஆங்கில வகுப்பாம், அதற்குப் பிறகு 6 மணிக்கு களைத்து தோய்த்து போகும் அந்தப் பிஞ்சுகள் பாடசாலையிலும் இந்த வகுப்புகளிலும் கொடுக்கப்படும் வீட்டுப்பாடங்களை வேறு அதற்குப் பிறகு தான் செய்ய வேண்டுமாம். இது தவிர திங்கள் முதல் வெள்ளி வரை பாடசாலை விட்டு வந்தால் அதன் பிறகு வேறு டியுசன் வகுப்புக்கள் என்பது சொல்லித் தெரிய வேண்டியதில்லை. எனக்கு தெரிந்த ஒரு குடும்பத்தில் நான் மேற் சொன்ன நிலை தான் நிழவுகின்றது. அந்தப் பிள்ளைகளின் தாயார் உந்துருளியில் அழைத்து செல்லும் போதே அந்தப்பிள்ளைகள் காலைச் சாப்பாட்டை சாப்பிட்டுக் கொண்டு செல்லும் நிலையை நான் காண்கின்றேன்.

பிள்ளைகள் டியுசன் சென்று படித்தால் தான் படிக்க இயலும் என்றால் எதற்கு பாடசாலைகள்?
பேசாமல் பாடசாலைகளை பூட்டிவிட்டு டியுசன்களை மட்டுமே நாம் நடத்தலாமே?

பெற்றோர்களே ”என்ற பிள்ளைதான் வகுப்பில 1st என்று நீங்கள் பெருமையடித்துக் கொள்ள அந்தச் சின்னஞ் சிறு மழலைகளை இயந்திர பொம்மைகளாக்கி விடாதீர்கள்.” ”இன்று நமது உலகிற்கு ஒளியைத் தந்த திரு.தாமஸ் அல்வா எடிசன் பாடசாலையில் படிப்பதற்கே தகுதியற்றவர் என்று விரட்டி அடிக்கப்பட்டவர் தான்.” ”பாடசாலையிலும் பல்கலைக்கழகத்திலும் முதலிடம் பெற்ற எத்தனையோ பேர் இன்று இருக்கும் இடம் கூட தெரியாமல் உள்ளார்கள். ஆனால் கடைசி வரிசையில் இருந்த எத்தனையோ பேர் இன்று புகழ் பெற்ற மனிதர்களாக உள்ளது உலகறிந்த உண்மை”

உங்களின் பகட்டு ஆசைக்கு அந்தப் பிள்ளைகளை பலியாக்கிவிடாதீ்ர்

இனிதாய் இருக்கட்டும்

2008-12-31T23:47:00.002+05:30

இனிதாய் இருக்கட்டும்
இனி வரும் காலம்...
நலமாய் இருக்கட்டும்
நாளை வரும் நேரம்...
புதியாய் இருக்கட்டும்
புதிய ஆண்டு...

அனவைருக்கும் என் உளமார்ந்த இனிய புத்தாண்டு வாழ்த்துக்கள்.

சும்மா கலக்குற மச்சி

2008-12-06T12:33:00.004+05:30

கண்ணீர் அஞ்சலி

2008-11-27T22:33:00.005+05:30

இந்திரன் என்று அழைக்கப்படும் இராசலிங்கம் ரவீந்திரன் (பால் சேகரிப்பாளர்) அவர்கள் 25-11-2008 அன்று அகால மரணமடைந்தார்.

அன்னார் இராசலிங்கம், மகேஸ்வரி தம்பதிகளின் புதல்வனும், பிறேமலதாவின் கணவரும், கிரிதரன்-புதுக்குளம் மகாவித்தியாலயம், விதுசன்-ஈச்சங்குளம் மகாவித்தியாலயம், ரியாந்தினி-ஈச்சங்குளம் மகாவித்தியாலயம் ஆகியோரின் தந்தையும் ஆவார்.

அன்னாரி ஈமக்கிரியைகள் 28-11-2008 அன்று ஈச்சங்குளத்தில் நடைபெறும். என்பதை உற்றார் உறவினர்கள் நண்பர்கள் ஏற்றுக்கொள்ளும் படி கேட்டுக்கொள்ளப்படுகின்றீர்கள்.
அன்னாரின் பிரிவில் துயருற்று இருக்கும் குடும்பத்தாருடன் வவுனியா தமிழ் வலைப்பதிவு சார்பாக நாமும் துயரில் பங்கு கொள்வோமாக.

என் ஸ்கூட்டியின் புலம்பல்

2008-11-16T22:12:00.006+05:30

என் அன்பிற்கினிய உரிமையாளராகிய திருவாளர் ச.இலங்கேஸ்வரன் அவர்களுக்கு முதற்கண் வணக்கம். நான் உங்கள் ஸ்கூட்டி உந்துருளி கதைக்கின்றேன். இன்று எனது ஆதங்கத்தை உங்களிடம் கொட்டித்தீர்க்க வேண்டும் என்ற ஆவலில் எழுதுகின்றேன்.

என்னை நீங்கள் வாங்கி இன்றுடன் ஓராண்டுகள் நிறைவடைகின்றது. உங்களின் கடுமையான ஓட்டத்திற்கு தாக்குப்பிடித்து இந்த ஓர் ஆண்டில் விபத்துக்கள் ஏதும் ஏற்படாமல் ஏன் சிறுகாயங்கள் கூட இன்றி என்னை நீங்கள் பாவித்ததே பெரிய விடயம் தான்.

ஆனால் கடந்த காலத்தில் உங்களிடம் இருந்த எனது உறவினர்கள் ஆகிய CD Downம் Hero honda Splander ம் பட்ட காயங்களையும் சோக வரலாறுகளையும் அவர்களை சாலையில் சந்திக்கும் போது நான் அறிவேன்.

அன்பானவரே! நான் மகளிர் பயனிப்பதற்கு ஏற்ற வகையிலே தயாரிக்கப்பட்டவன். நீங்கள் என்னை முரட்டுத்தனமாக கையாளும் போது எனக்கு வலிக்கத்தானே செய்கின்றது என்பதை தாங்கள் அறிவீர்களா? எனது மடியில் உங்களின் கணிணியை வைத்து நித்தம் கொண்டு செல்லும் போதும், எனது வயிற்றுக்குள் suntel CDM தொலைபேசியையும் வைத்து என்னை சுமைதாங்கி ஆக்கி விட்டீர்களே!

அது சரி உங்களுக்கு பாதையில் உள்ள மேடு பள்ளங்கள் தெரிவதில்லையா? 60 மைல் வேகத்தில் நீங்கள் செல்லும் போது எனது சொப்பட் சோபர்கள் படும் அவஸ்தையை நீங்கள் சற்று புரிந்து கொள்ள வேண்டும்.

நீங்கள் படுத்தும் பாடு போதாதென்று உங்கள் கல்வி நிலையப் பெண்களுக்கும் கொடுத்து என்னை பாடாய்ப்படுத்துகின்றீர்கள். அந்தப் பேய்கள் பழகுவதற்கு நான் தானா கிடைத்தேன். அதிலும் அவர்கள் டபுல்ஸ் வேறு. உங்களுக்கு முன்பு அவர்கள் மெதுவாக என்னை செலுத்தி தங்கள் தலை மறைந்ததும் அவர்கள் என்னைப்படுத்தும் பாடு இருக்கின்றதே அப்பப்பா நீங்களே பராயில்லை தலைவா!

அன்பானவரே! இனிமேலாவது என்னை கொஞ்சம் துடையுங்கள். மென்மையாகக் கையாளுங்கள். நீங்கள் என்னை கையாளும் விதத்தில் தான், நான் உங்களுடன் அதிக காலம் வாழ்வேன் என்று கூறி விடைபெறுகின்றேன்.

தங்களின்
ஸ்கூட்டி பப் +

இலவசமாக அமெரிக்க பிரஜை ஆக உங்களுக்கு விருப்பமா?

2008-11-14T20:33:00.002+05:30

இன்று பல இலட்சங்களை செலவழித்து மேற்கத்திய நாடுகளுக்கு செல்லக் காத்திருக்கும் எம்மவர்களே! உங்களுக்கு இலவசமாக அமெரிக்க செல்ல அதுவும் நிரந்தர குடியுரிமையுடன் செல்ல விருப்பமா? இதே இந்த அமெரிக்க அரசின் லொட்டரியில் வரும் 1-டிசம்பர்-2008 ற்கு முன்பு பதிவு செய்து அதிர்ஸ்டசாலியாகுங்கள்.

உங்கள் நிழற்படத்தை மட்டும் கவனமாக எடுத்து இதில் இணையுங்கள். இவ்விடயத்தில் யாருக்கம் எது வித பணமும் நீங்கள் கொடுக்கத் தேவையில்லை.

முகவரி http://www.dvlottery.state.gov/

பாதையில் நடந்து செல்வோருக்கும் அனுமதி அட்டை

2008-11-10T14:28:00.002+05:30

இன்றைக்கு நான் ரொம்பநாளாக எழுத நினைத்த கருத்தினை எழுத உள்ளேன். உலகம் முழுவதும் பார்த்தீர்களேயானால் வாகனம் ஓட்டுபவர்கள் அனுமதி அட்டை (லைசென்ஸ்) எடுக்க வேண்டும். ஏன் விமானம் ஓட்டுபவர்கள் கூட விமான அதற்கான அனுமதி அட்டை வைத்திருக்க வேண்டும். ஆனால் நாம் யாரும் இந்தப் பாதையில் நடந்து செல்பவர்களைப் பற்றி கவலைப்படுவதில்லை. அவர்களும் வாகனங்களைப்பற்றியோ விதிமுறைகளைப் பற்றியோ கவலைப்படுவதில்லை (மற்ற நாடுகளைப் பற்றி எனக்குத் தெரியாது எம் நாட்டைப்பற்றி மட்டுமே எனது வவுனியாவின் நிலையைப்பற்றி மட்டுமே நான் இங்கு குறிப்பிடுகின்றேன்).

இங்கு ஆடு மாடுகள் கூட சற்று வரும் வாகனங்களைப் பார்த்து சற்று நின்று தான் செல்கின்றன. ஆனால் பாதசாரிகள் எதைப்பற்றியும் கவலைப்படுவதில்லை. மஞ்சள் கோடுகள் எதற்கு வரைந்துள்ளார்கள் என்பதைப்பற்றியும் சிந்தனையில்லை. இன்று வவுனியா பிரதேசத்தில் அதிகமான விபத்துக்கள் இந்தப் பாதசாரிகளின் கவனக்குறைவாளும் விதிமுறைகளை மீறுவதாலும் தான் நடைபெறுகின்றது.

இதை தவிர்க்க முதலில் பாதசாரிகளுக்கு சாலை விதிமுறைகளைப்பற்றி வகுப்புகள் எடுக்கப்பட்டு விழிப்புணர்ச்சி ஊட்டப்பட்டு தேர்வு வைத்து அனுமதி அட்டை வளங்கப்பட வேண்டும். அனுமதி அட்டை உள்ளவர்கள் மட்டுமே தெருக்களில் நடமாட முடியும். மற்றவர்கள் கழுத்தில் ஓர் L board ஐ மாட்டிக் கொண்டு திரிய வேண்டும். அனுமதி பெற்றவர்கள் சரியாக விதிமுறைகளைப் பின்பற்றாவிற்றால் அவர்களின் அனுமதிப்பத்திரம் இரத்து செய்யப்பட வேண்டும்.

வீதியில் ஓர் விபத்து நடந்தால் பாய்ந்தடித்து ஓடி வரும் போக்குவரத்து பொலீசாரே, இவற்றை சற்று கருத்தில் எடுத்துக் கொள்ளுங்களேன். வீதி விபத்தை தடுப்பீர்.

(இன்று காலையில் கணவன் மற்றும் நிறைமாத கர்ப்பினிப் பெண் ஆகியோர் பயனித்த உந்துருளியொன்றின் குறுக்கே ஓடிய ஓர் இளம் பெண்ணினால் விபத்து ஏற்பட்டு அந்த நிறைமாத கர்ப்பினிப் பெண் துடித்த துடிப்பினை பார்த்து, மனவேதனையில் இந்தப் பதிவினை நான் எழுதினே்)

கால் நடையாக செல்வோரே நீங்கள் கால் நடையாகத்தான் செல்கின்றீர்கள், ஆனால் நீங்கள் “கால்நடை” இல்லையே???????? மனிதர்கள் என்பதை மறந்து விடாதீர்கள்.

மருமகப்பிள்ளையின் குறும்பு

2008-11-02T21:42:00.012+05:30

எப்படி இருக்கு என்ற ஆக்சன்? (அம்மா சாப்பாடு ஊட்ட தேடுறா அது தான் இங்க இப்படி பதுங்கிட்டன். please யாரும் காட்டிக் கொடுத்திடாதீங்க.)

அட விடுங்கம்மா. நானும் மாமாவும் ரோயலுக்கு போய் பிரைட் ரைஸ் சாப்பிடப்போறம். இப்ப போய் காரியத்த கெடுக்கிறீயே! (மாமு இதையுமா நிழற்படம் எடுத்துட்ட?, மாமு உனக்கு யாரு டிஜிட்டல் கேமரா வாங்கித்தந்தது????????????? என்ற இமெஜ் என்ன ஆகிறது. என்ற கேல் பிரன்ஸ்ட்ட காட்டிடாதப்பு, )

மான் வேசம் போட்டா புல்லு தின்னனுமாம். இல்லாட்டி இலங்கேஸ் மாமா நிழற்படம் எடுக்க மாட்டாராம். அது தான்... எப்படி இருக்கு என்ற நடிப்பு

இது தான் 32 பல்லும் தெரிய சிரிக்கிறதோ? எப்படிப்பு இருக்கு என்னோட சிரிப்பு???
நான் சிரிச்சா வவுனியாவே அதிரனும் இல்ல.

நான் பெரியவனான பிறகு வியாரம் செய்யனும் இல்ல ? அது தான் இப்பவே பயிற்சி எடுக்க ஆரம்பிச்சிட்டன்.

அன்று திரையரங்காக இன்று உணவகமாக ரோயல்

2008-10-31T21:07:00.008+05:30

இது தான் எங்கட ஊரில முதன் முதலாக தொடங்கப்பட்ட ஒரு நல்ல வெளிநாட்டு (இந்திய) உணவு வகைகளைக் கொண்ட உணவகம். இது முன்பு ரோயல் திரையரங்கம் என்று அழைக்கப்பட்ட திரையரங்கம். நாங்க சின்னப்பிள்ளையா இருக்கும் போது இங்க நியுந்திரா, வசந்தி, ஸ்ரீமுருகன், ரோயல் திரையரங்குகள் இருந்தன. இப்போது வசந்தி மட்டுமே திரையரங்காக உள்ளது. நியுந்திரா திரையரங்கு இடிக்கப்பட்டு பாழடைந்து உள்ளது. ஸ்ரீமுருகன் இருந்த இடத்தில் ஓர் புதிய அடுக்குமாடிக் கட்டிடம் கட்டப்பட்டுவிட்டது. மிஞ்சிய ரோயல் திரையரங்கும் இன்று மண்டபமா மாற்றப்பட்டு கீழே நிழற்படத்தில் உள்ளதுவாறு காட்சி அளிக்கின்றது. இதற்கு பின்பகுதியில் இயற்கையான சூழலில் அமைந்துள்ளது தான் ரோயல் ரெஸ்ரோரன்ட் என்பது.

எனக்கு இந்த உணவகத்திற்கு போகும் போதெல்லாம் 1980ற்கும் 1986ற்கும் இடைப்பட்ட காலப்பகுதியில் நான் என் பெற்றோருடன் பார்த்த திரைப்படங்களின் காட்சிகள் ஞாபகத்திற்கு வரும். இன்னமும் காளி திரைப்படத்தில் ரஜனி ஒருவனின் முதுகில் காளி என்று போத்த ஓடினால் எழுதிய காட்சி மனத்திரையில் உள்ளது. சற்று சிறுவயது நினைவுகளை அசைப்போட்டபடியே சூடான உணவினையும் அசைப்போட்டு சாப்பிட்டு வருவேன்.

இங்கே எனக்கு பிடித்த உணவு பிரைட் ரைஸ் தான். ஆனாலும் திருச்சியில் (தமிழகத்தில்) உள்ள பனானா லீப்புக்கு ஈடாகாது. அதற்கு முக்கிய காரணம் அங்கிருக்கும் மூலப்பொருட்கள் இங்கு கிடைப்பதில்லை. அதைவிட நாம் மல்லி இழைகளை உணவில் சேர்ப்பதில்லை. இவர்தான் ரோயல் கார்டனில் சாப்பிடுபவர்களிடம் உணவு வரி வசூலிப்பவர். முதலில் தனியாக வந்தார். பிறகு ஒரு பாய் பிரண்ட். இப்பொழுது குடும்பம் குட்டி என்று பயங்கர பிசி ஆகி விட்டார். இவரின் தொல்லை சற்று தாங்க முடியவில்லை தான்.

திருச்சியில் (இந்தியாவில்) இருந்து வந்து இங்கு பணிபுரிந்தவர்களில் எஞ்சியிருக்கும் ஒரே ஒரு நபர். மற்றவர்கள் தாயகம் சென்று விட்டனர். இவர் அதிகம் கதைக்க மாட்டார். தன் வேலையை சரியாக செய்து முடிப்பார். திருச்சி பெரிய மிளகுப்பாறையைச் சேர்ந்தவர்.

இவர் தான் ரோயல் கார்டினின் காவலாளி. வயதானாலும் மிடுக்கு குறையாதவர். நமது வாகனங்களை சரியாக நிறுத்தாவிட்டால் உடனே இவரிடம் இருந்து குரல் ஒலிக்கும்.

இன்னும் பல உணவகங்கள் வந்துள்ளன. அவையும் நன்றாக உள்ளன. குறிப்பாக தங்கும் வசதியுடன் நெல்லி , சுவர்க்கா, புலேஸ் பல்மோரல்.... என்று ...

பகிடிவதையாம். எங்கே பகிடி இங்கு ? வதை மட்டுமே!

2008-10-29T15:15:00.006+05:30

என் அன்பிற்குரிய இளைய சமுதாயமே!

நாம் பல்கலைக்கழகம் செல்வது படித்து பட்டம் பெறவே. எம் ஆழ்மனதில் இருக்கும் காட்டுமிராண்டித்தனமான மிருகங்களை வெளிப்படுத்தும் இடம் பல்கலைக்கழகம் அல்ல. ரேக்கிங் என்று சொல்லக் கூடிய பகிடி(வதை) என்பது புதிதாக வரும் மாணவர்களை தங்களுடன் நட்பு ரீதியாக சேர்த்துக்கொள்ள 2ஆம் 3ஆம் ஆண்டு மாணவர்கள் அவர்களை கிண்டலாக சில நடவடிக்ககைகளை மேற்கொள்ள வைப்பதே. அதனால் புதியவர்களுக்கு கூச்சம் அற்று புதிய சூழலுக்கு தங்களை மாற்றிக் கொள்வார்கள் என்பதாலேயே பல்கலைக்கழகமும் அவற்றை அங்கீகரிக்கின்றது.

ஆனால் ராக்கிங் (பகிடிவதை) என்ற பெயரில் இன்று நடைபெறுவது என்ன? எனது மாணவர்கள் சொல்லும் கதைகளைக் கேட்டால் எனக்கே பயமாக இருக்கின்றது. ஒரு சில மாணவர்கள் தாம் மிகவும் மோசமான முறையில் தாக்கப்பட்டதாகவும். ஏன் அடிக்கின்றார்கள் எதற்கு அடிக்கின்றார்கள் என்று தெரியாமல் அடி வாங்குவதாகவும் கூறினார்கள். இதற்கு பூசா மற்றும் வெலிக்கடை, மகசின் சிறைச்சாலைகள் எவ்வளவோ பரவாயில்லை போலும். ஒரு மாணவர் இவர்களின் அடி தாங்க முடியாமல் தன் கையையே பிளேடால் அறுத்துக் கொண்டுள்ளார். 30 தையல் இடப்பட்டு மருத்துவ மனையில் உள்ளார். இதில் முழுப்பொறுப்பையும் முதுநிலை மாணவர்களின் பாற் சொல்ல முடியாது. ஏனென்றால் எல்லா பல்கலைக்கழகத்திலும் Anti Raking என்ற கொள்கை ஒன்று உள்ளது. நீங்கள் விரும்பா விட்டால் அந்த மாணவனை ராக்கிங் செய்வதில்லை. ஆனால் அதன் பிறகு அந்த மாணவன் ஒதுக்கப்பட்டவனாகக் கருதப்படுகின்ற நிலை. எங்கே தாங்கள் தனிமைப்படுத்தப்பட்டு விடுவோமோ என்று இதைப் பல புதியவர்கள் விரும்புவதில்லை (பழைய நோட்ஸ் தரமாட்டார்களாம்). ஆனால் பகிடிவதையின் பெயரால் நடக்கும் கொடுமைகளையும் தாங்க முடியாமல் படிப்பை விட்டவர்கள் பலர். பல்கலைக்கழகத்திற்கு செல்லாமல் வேறு துறைகளை தேர்ந்தெடுத்தவர்கள் பலர் பலர்.

எம் தமிழ் இளைய சமுதாயமே! நாம் எவ்வளவோ இன்னல்களுக்கு மத்தியில் தான் படிக்க பல்கலைக்கழகம் செல்கின்றோம். நமது வக்கிர குனங்களை காட்டும் இடம் அதுவல்லவே! எவ்வளவோ ஏக்கங்களுடன் தங்கள் எதிர்காலத்தை மனதில் வைத்துக் கொண்டு கற்பனைச் சிறகுடன் வரும் எம்தமிழ் உறவுகளை நீங்களே இவ்வாறு நடத்தலாமா?

நான் எல்லா முதநிலை மாணவர்களையும் குறை சொல்லவில்லை. இங்கு யாரையும் குறை சொல்லவும் வரவில்லை. என் மன ஆதங்கத்தை வெளியிட்டேன். அவ்வளவு தான்.

புதிதாய் பல்கலைக்கழகம் செல்லும் இளையவர்களே! நீங்கள் படும் இன்னல்களை அடுத்த வருடம் உட்புகும் உங்கள் உறவுகளுடன் காட்டாதீர்கள். இது மாமியார் மருமகள் கொடுமையில்லையே? தான் பட்டதை தன் மருமகளிடம் காட்டுவதை போல். நீங்கள் அனுபவிக்கும் இன்னல்களை உங்களுக்கு இளையவரிடம் நீங்கள் காட்டமாட்டோம் என்று உறுதி பூண்டால் தான் இந்தப் பிரச்சினை நிறைவேறும். அதை விட்டும் நான் அனுபவித்த கொடுமையவிட வரும் ஆண்டு வரும் மாணவர் இன்னும் அனுபவிக்க வேண்டும் என்று நீங்கள் நினைத்தால், இது தீராது. அதன் பிறகு எங்களைப் போன்றவர்களிடம் வந்து புலம்பாதீர்கள்.
புதியவர்கள் உங்கள் உறவுகள். உங்கள் சகோதரர்கள். நம் இனத்தவர்கள். அவர்களை நாமே வேதனைப்படுத்தலாமா? வேண்டாமே!

வவுனியாவின் கிராமப்புறங்கள்

2008-10-27T19:03:00.018+05:30

வவுனியா சிதம்பரபுரம், ஆசிகுளம், கல்நாட்டினன்குளம், சமளன்குளம் ஆகிய பிரதேசங்களின் சில பகுதிகளை நேற்று நிழற்படம் எடுத்தேன். அவற்றினை தங்களோடு பகிர்ந்து கொள்ள நினைக்கின்றேன்... தங்களின் ஆக்கபூர்வமான கருத்துக்கைளையும் இட்டுச் செல்லுங்கள்... அவை எனக்கு இத்தளத்தினை வளர்க்க உதவும்.

எங்கட வவுனியாவில இப்படியான எழில்கொஞ்சும் இடங்களும் இருக்கு. ஆனா என்ன பலருக்கு தெரியிரதில்லை.

செப்பனிடப்படாத பாதை. சுமார் 1 கி.மீற்றர் அடிவாரத்தில் உள்ளது. இதன் வழியாகத்தான் மலையேற வேண்டும். (ஆனால் பாருங்கள் இந்தப்பாதை இப்படி இருந்தால் தான் பழமை மாறாமல் இருக்கும் என்பது எனது கருத்து)

இது மலையின் மீது புதிதாக அமைக்கப்பட்டு வரும் கோயில். மிகவும் பொருளாதாரத்தாலும், பொருட்களை மேலே எடுத்துச் செல்வதில் உள்ள சிரமத்தினாலும் சற்று மெதுவாகவே வேலைகள் நடைபெற்று வருகின்றது.

இவர் தான் நிழற்படம் எடுக்க உதவிய உதவியாளர். எனக்கு மகன்முறை. 10ஆம் ஆண்டு படிக்கிறார். அடிக்கடி தலையில் குட்டும் வாங்குவார் ஏதாவது மொக்கை தனமாகச் சொல்லிப்போட்டு. (ஆனா நல்ல மண்டக்காரன்)

அப்பாடா மலையேறிய களைப்பு, இரவு சற்று தூங்கலாம் என்றால் எனது தகவல் தொழில் நுட்ப மாணவர்கள் 2 மணி 3 மணிக்கெல்லாம் தொலைபேசியில் அழைத்து சந்தேகம் கேட்கின்றார்கள். (அதிலும் வலைப்பதிவாளர் மேனனின் தொல்லை தாங்க முடியவில்லை) அது தான் என்னையும் அறியாமல் சற்று கண்ணயர்ந்துவிட்டேன்.

ம் மழைக்காலம் ஆரம்பிச்சாச்சி இனி தோட்ட வேலைகளைப்பார்க்கனும் தானே?

இது தான் கல்வாரிமலையின்அடிவாரம். இது ஒரு கற்கலால் ஆனா ஒரு சிறு குன்று. கிறித்துவர்களின் புனித தலம். நல

கல்வாரி மலையில் உள்ள அறிவிப்புப் பலகை. கட்டாயம் இது தேவைதான். புனிதமான இடங்களை தங்கள் களியாட்டத்திற்கு பயன்படுத்துவோர் உணரவேண்டும். கல்வாரி மலையின் கீழ் உள்ள அலுவலகம் இப்பொழுது தான் கட்டி முடிக்கப்பட்டுள்ளது.

இந்த இடம் தான் மருதங்குளம் இது சமளன்குளத்திற்கு அடுத்துள்ள பகுதி. விவசாயபூமி.

மாவட்ட இளைஞர் பயிற்சி நிலையம்

2008-10-23T20:58:00.008+05:30

இவர்கள் தான் எனது மாணவர்கள். தகவல் தொழில்நுட்பம் படிக்கும் மாணவர்கள். இது வவுனியா தேசிய இளைஞர் சேவைகள் மன்றத்தில் அமைந்துள்ளது. இதில் உள்ள அனைவருக்கும் வலைப்பதிவு பற்றி கருத்தரங்கு ஒன்றினை செய்துள்ளேன். பலர் ஆரம்பித்தனர். ஆனால் இரண்டு மாணவர்கள் மட்டுமே செயற்படுத்தி வருகின்றனர். ( மேனனின் கணினி உலகம், மற்றது திலீப்பின் சுவடுகள்)

இடதுபக்கம் நிற்பவர் கணினி வன்பொருள் திருத்தும் பயிற்சி நெறியின் ஆசிரியர், நடுவில் நிற்பவர் வானொலி தொலைகாட்சி திருத்தும் பயிற்சி நெறியின் ஆசிரியர். அடுத்து நிற்பது தகவல் தொழில்நுட்ப பாடநெறியின் ஆசிரியராகிய அடியேன் தான்...

எழில்மிகு வவுனியா..

2008-10-22T19:55:00.024+05:30

வவுனியாவில் நிறைய எழில் மிகு இடங்கள் இருக்கின்றன. ஆனால்... தற்போதைய சூழலில் அவற்றினை நிழற்படம் எடுக்கும் நிலையில் வவுனியா இல்லையே... எனவே என்னால் இயன்ற எனது பிராந்தியத்திற்குள் உள்ள சில கிராமப்புறங்களையும் ஆலயங்களையும் நிழற்படம் எடுத்துள்ளேன். இப்பொழுது தான் ஒரு நல்ல நிழற்பட கருவி ஒன்றை வாங்கியுள்ளேன். இனி தொடரும் என் புகைப்பட பணி...இது ஒன்றும் தடுப்பு காவலரன் அல்ல. கிணறு வெட்டிய மண்குவியல் தான் என்ன தான் யுத்தம் நடைபெற்றாலும் வீடு கட்டுபவர்கள் கட்டிக் கொண்டு தான் இருக்கின்றார்கள்.

வவுனியா கோவில்குளம் சிவன் கோவில் முன்பு சிரமதானப்பணிக்கு வந்த புதுக்குளம் மகாவித்தியாலய சாரணர்கள்.

வவுனியா சமளன்குளத்தில் அமைந்துள்ள கல்லுமலைப்பிள்ளையார் கோவில் (நான் பிறந்த இடம் என்ற பெருமை எனக்குண்டு அது மட்டுமல்ல எனது தந்தையாரால் உருவாக்கப்பட்ட ஆலயங்களுள் இதுவும் ஒன்று)

இன்று தொல்பொருள் ஆராய்ச்சித் தினைக்களத்தின் வசம் உள்ளது.

அப்பாடா நிழற்படம் எடுத்து களைச்சிப் போயிட்டன் கொஞ்சம் பொறுங்க... ஓய்வெடுத்திட்டு வாரன்... (என்னதான் elephant house, Gar gills Ice creamங்கள் இருந்தாலும் இந்த சைக்கிள்காரர் விற்கிற 15 ரூபா Ice பழத்திற்கு நிகராகுமா?)

வவுனியா சிதம்பரபுரம் பகுதியில் அமைந்துள்ள எழில் மிகு சிறு குன்றில் வீற்றிருக்கும் முருகன் ஆலயத்தின் தோற்றம் இது. இந்த ஆலயம் பற்றி வவுனியா வாழ் மக்கள் பலருக்கே தெரியாது. தற்போது பிரபல்யமாகி வரும் ஒன்று. எங்கே இயற்கை சூழலையும் இதன் அமைதியையும் கெடுத்து விடுவார்களோ என்ற அச்சம் எனக்குண்டு. இதற்கு அருகில் கல்வாரி மலை அமைந்துள்ளது. அடுத்த பதிவுகளில் அதன் எழில்மிகு தோற்றத்தை வெளியிடுகின்றேன்.

எனது கணினி நிறுவனத்தின் பின் பகுதியில் அமைந்துள்ள பகுதி இதுவாகும். இது சிவன் ஆலயத்தின் பராமரிப்பில் உள்ளது. காடு மன்றிக் கிடந்த இந்த இடம் இப்பொழுது அறங்காவலர்களின் அயராத உழைப்பில் நெல் விளையும் விளை நிலமாகமாற்றப்பட்டு வருகின்றது.

சமளங்குளத்தின் அணைக்கட்டின் ஓர் தோற்றம்.

சமளங்குளத்தின் குளத்தின் உள்ளே ஓர் மரத்தில் அந்திப் பொழுதில் நாரைகளும் கொக்குகளும் அடைக்கலம் ஆகும் காட்சி... (வெளிநாட்டு சில பறவை இனங்களும் அடக்கம்). நல்ல நிலையில் நாம் இதை பராமரித்தால் இதுவும் ஓர் வேடந்தாங்கல் தான். பார்ப்போம் காலப்போக்கில் மாற்றங்கள் வரலாம்.....

என் தேசத்து மகவுகளே

2008-10-21T21:17:00.001+05:30

நாணற் புற்களாய் கூனற் போட்டது போதும் மனிதா!
வீறு கொண்டு எழுந்திடு ஆலம் விழுதுகளாய்....
எம்முள் வேண்டாமே பிளவுகள் பின் ...
பிளவுக்குள் அகப்பட்ட ஆப்புகளாய் நாம்....
அன்னைமண் நமை படைத்திட்டது
நாம் அன்புடன் வாழவே...
அவனியில் அடிப்பட்டடு சாவதற்கல்லவே...

அளவோடு ஆசைப்படு!

2008-10-21T20:15:00.002+05:30

தற்பெருமை பேசியே தமையழி்த்துக் கொண்டோர் பலர்! பலர்!!
அவையடக்கமின்றி அழிவுற்றோர் பலர்! பலர்!!
நாவடக்கமின்றி நசிவுண்டோர் பலர்! பலர்!!
புலனடக்கமின்றி தம் புலமைகளை இழந்தோர் பலர்! பலர்!!
தன்னடக்கமின்றி தனித்திற்றோர் பலர்! பலர்!!
பெண்ணாசைக் கொண்டு மண்னோடு மண்ணாய் ஆனோர் பலர்! பலர்!!
மண்ணாசை கொண்டு ஆறடி நிலத்திற்குல் அடைப்பட்டவர் பலர்! பலர்!!
ஐம்புலன்களையும் அடக்கி அகிலத்தை ஆண்டிற்றோர் சிற்சிலரே!!!

இந்து சமயத்தினரை வேதனைப்படுத்தாதீர்

2008-10-11T20:45:00.003+05:30

சற்று முன்னர் தான் விஜய் தொலைக்காட்சியில் “ஜோடி நொம்பர் 1-சீசன் 3” பார்த்தேன். அதில் ஒரு ஜோடியினர் கிருஸ்ணர் வேடமிட்டு ஆடிய நிகழ்வை பார்த்த போது சற்று அதிர்ந்து தான் போனேன். என்ன இந்துசமயத்தின் கடவுகள் இவர்களுக்கு கேலிப் பொருட்களா? நான் கேட்கின்றேன் இவர்களால் மற்ற மதங்களின் கடவுள்களை இவ்வாறு கேலிப்பொருட்களாக ஆக்க இயலுமா என்று? இன்றைய திரைப்படங்களிலும், நாடகங்களிலும் ஏன் இந்து மதக்கடவுள்களையே கோமாளிகளாக காட்டும் நிலை உள்ளது. இது இந்த சமயத்தில் உள்ள சமயப்பெரியவர்கள் என்றுச் சொல்லிக்கொள்பவர்கள் பேசா மடந்தைகளாக இருப்பதாலா? அல்லது இந்த மதத்தினரின் பொறுமையை இவ்வாறு கேலிக்குள்ளாக்குபவர்கள் தங்களுக்கு சாதகமாக்கிக் கொள்கின்றார்களா? இதில் என்ன வேதனை என்றால் இவ்வாறு கேலிக்குள்ளாக்குபவர்கள் வேறு யாருமல்ல இந்து மதத்தைச் சார்ந்தவர்களே!

“நபிகள் நாயகத்தின்” திருவுருவப்படத்தை கேலிக்குரியதாக்கியதற்கு உலகம் முழுவதும் உள்ள இஸ்லாமிய சகோதர்களின் எதிர்ப்பை அவ்வாறு ஆக்கியவர்கள் சந்தித்தனர். கிறித்துவமதத்தை பற்றி எழுதிய சாலமன் ருஸ்டியின் நிலையை யாவரும் அறிந்ததே. ஆனால் தொன்மையான இந்து மதத்தின் கடவுள்களை இந்தத் திரைப்படங்களிலும், தொலைக்காட்சி நாடகங்களிலும் கேலிக்குரியதாக்குவது பற்றி அதன் தலைவர்கள் மௌனம் காப்பது ஏன்? அவர்களுக்கு இதைவிட வேறு முக்கிய வேலைகள் ஏதும் உள்ளனவோ? மற்ற மதத்தினர் போல உலகம் தழுவிய, நாடு தழுவிய போரட்டங்களை நடாத்தத் தேவையில்லை. ஆகக்குறைந்தது ஒரு கண்டன அறிக்கையையாவது அவர்கள் வெளியிடலாம் தானே! வேறு எந்த மதத்திலும் உள்ளவர்கள் தங்கள் மதத்தைப்பற்றி வெளியாரிடம் குறை கூறுவதில்லை நம் இந்துக்களைத் தவிர, அதிலும் குறிப்பாக தமிழர்கள் தான் இவ்வாறு உள்ளோம்.

இனி வரும் காலங்களில் ஆவது நாம் நமது மதத்தை பெருமைப் படு்த்தாவிட்டாலும் பரவாயில்லை, சிறுமைப்படுத்தக் கூடிய பிறர் பார்த்து கேலியாய் சிரிக்கும் அளவிற்கு சித்தரிக்காமல் இருந்தாலே போதும்.
செய்வார்களா???????????????????????????????????????????

வவுனியா தேசிய இளைஞர் சேவைகள் மன்றத்தில் வாணிவிழா-2008

2008-10-09T18:43:00.004+05:30

மூவின மக்களும் தொழிற்கல்வி பயிலும், வவுனியா தேசிய இளைஞர் சேவைகள் மன்றத்தில் 08-10-2008 அன்று வாணிவிழா நிகழ்வுகள் நடைபெற்றன.

நிகழ்வினை மாவட்ட இளைஞர் பயிற்சி நிலையத்தினர் ஒழுங்கு செய்திருந்தனர்.
இந்நிகழ்வினை தகவல் தொழில்நுட்ப விரிவுரையாளர் திரு.ச.இலங்கேஸ்வரன் அவர்கள் தலைமை ஏற்று நடாத்தினார்.

இந்நிகழ்வில் தேசிய இளைஞர் சேவைகள் மன்றத்தின் வடமாகாணப் பணிப்பாளர் திரு.என்.பேராணந்தம் அவர்கள் பிரதம விருந்தினராகவும், வவுனியா மாவட்ட இளைஞர் சேவைகள் மன்றத்தின் உதவி பணிப்பாளர் திருமதி.ஸ்ரீகாந்தரூபன் விமலேஸ்வரி அவர்கள் சிறப்பு விருந்தினராகவும், இளைஞர்சேவைகள் மன்றத்தின் பொருப்பதிகாரி. திரு.ஐ.சுகானி அவர்களும், வடமாகாணக் காரியாலயக் காணக்காளர் அவர்களும் கௌரவ விருந்தினர்களாகவும் கலந்து கொள்ள, ஏனைய அலுவலக உத்தியோகத்தர்கள், விரிவுரையாளர்கள், மாணவர்கள் கலந்து கலந்து சிறப்பிக்க கலைநிகழ்வுகளுடன் விழா இனிதே நடைபெற்றது. இந்நிகழ்வில் இந்து, இசுலாமிய, சிங்கள, கிறித்துவ மதங்களைச் சார்ந்த மாணவர்கள் பெருமளவில் பங்குபற்றி சிறப்பித்தது குறிப்பிடத்தக்கது.

அந்நிகழ்வின் நிழற்படத் தொகுப்புக்களை இங்கே பாருங்கள்.

View Album

Get your own

எனது கணினி நிறுவனத்தில் வாணி விழா-2008

2008-10-07T21:51:00.004+05:30

எமது சண்முகா கணினிப் பயிற்சி நிலையத்தின் வாணி விழா நிகழ்வுகள் 05-10-2008 அன்று இனிதே கலைநிகழ்வுகளுடன் நடைபெற்றது. அவற்றின் நிழற்பட தொகுப்பு உங்கள் பார்வைக்கு.

View Album

Get your own

நன்றி கூறுகின்றேன் என் ஆசான்களே!

2008-10-05T20:03:00.008+05:30

அக்டோபர் 06 ஆசிரியர் தினம். எமக்கு கல்வியைப் புகட்டிய மனித தெய்வங்களின் தினம் அன்று. இந்த நன்நாளில் நான் ஓர் ஆசிரியனாய் சற்று எனது மாணவப் பருவத்தைத் திரும்பிப்பார்க்கின்றேன்.

1982ல் நேசரி (அரிச்சுவடு வகுப்ப) வகுப்பில் அ, ஆவன்ன கற்றுத்தந்த நேசரி டீச்சர் இன்றும் என் கண்களில் உள்ளார். இப்பொழுதும் அவர் எங்களுடன் இருக்கின்றார் எங்கள் ஊரில் எங்கள் வீட்டிற்கு அருகிலே. அவரிடம் நாம் கற்றது கல்வியை மட்டுமல்ல ஒழுக்கத்தையும் தான். யாரையும் ஏமாற்றுதல் அவருக்கு பிடிக்காது. அவரிடம் நான் கற்றுக் கொண்ட முக்கிய பாடங்களில் ஒன்று அது. அவரிடம் கற்ற யோசானமும், இறை சிந்தனைகளும் இன்றும் நினைவில் உள்ளன.

பின்பு வவுனியா கோவில்குளம் இந்துக் கல்லூரியில் (நாங்கள் படிக்கும் போது வ-கோவிற்குளம் கனிஷ்ட உயர்தர வித்தியாலயம்) முதலாம் ஆண்டு தொடக்கம் ஐந்தாம் ஆண்டு வரை கல்வி. இக்காலப்பகுதியில் எனக்கு கற்றுத்தந்த ஆசிரியர்கள் பலர் அவர்களில் குறிப்பிட்டுச் சொல்ல வேண்டுமானால். அதிபர்.திரு.தங்கராஜா சேர், திருமதி.வையாபுரிநாதன் டீச்சர், திருமதி.ஓங்காரநாதன் டீச்சர், திரு.சிவஞானம் சேர் (தற்போதைய அதிபர்) , திருமதி.மயில்வாகணம் டீச்சர். திரு.சோதி மாஸ்டர், போன்றோர்கள். இக்காலப்பகுதியில் சங்கீத ஆசிரியர் ஒருவரும் கல்விக்கற்றுத் தந்தார். ஆனால் எனக்கு சங்கீதம் என்றால் வேப்பங்காய் போன்றது. ஆனால் அவர் எனக்கு எப்படியாவது சங்கீத அறிவை ஊட்ட வேண்டும் என்று எவ்வளவு முயற்சி எடுத்தும் பலனளிக்கவில்லை.

1989ல் மகாவித்தியாலயத்தில் 9 மாதங்கள் மட்டுமே கல்வி பயின்றேன். அக்காலப்பகுதியில் கணித கற்பித்த திரு.சிவதாசன் சேர் மறக்க முடியாத ஒருவர். அவரின் டியுசன் சென்டரில் படித்த காலங்கள் மறக்க முடியாதவை தான். அவரிடம் அடிவாங்காமல் தப்பித்த விரல்விட்டு எண்ணக் கூடிய மாணவர்களில் நானும் ஒருவன்.

1990 இந்தியப் பயணம். அங்கு திருச்சி சையது முர்த்துசாவில் கல்வி. முற்றிலும் புதிய சூழ்நிலை. இசுலாமியர்கள் அதிகம் படிக்கும் பாடசாலை. ஆனால் நம் ஊரில் போல் அங்கு சமயம் ஓர் பாடமாக இல்லாதது சற்று நிம்மதி தந்தது. தரம் 6 தொடக்கம் தரம் 10 வரையிலுமான காலப்பகுதியில் அங்கு கல்வி கற்றேன். அந்தக் காலப்பகுதியில் நான் தான் அங்கு ராஜா. இலங்கை மாணவன் என்ற மரியாதை கலந்த அன்பு மாணவர்கள் மற்றும் ஆசிரியர்கள் மத்தியில். அந்தக் காலப்பகுதியில் எனக்கு கணித கல்வி கற்றுத்தந்த ஆசிரியர் திருமதி.துளசிபாய் டீச்சர். மிகுந்த சிரத்தையுடனும் அன்புடனும் நான் 100ற்கு 100 எடுக்க வேண்டும் என்று பாடுபட்டார். என் வாழ்வில் மறக்க முடியாத மிகுந்த மரியாதைக்கும் அன்பிற்கும் உரிய ஆசிரியர் அவர். ஆனால் என்னால் 98 மதிப்பெண்களே எடுக்க முடிந்தது. கணித தேர்வு நடந்த அன்று மேற்பார்வையாளரால் ஏற்பட்ட சில அசௌகரியங்களே நான் 100 மதிப்பெண்கள் பெற இயலாமல் போனதுக்கு காரணம் என்பதை அறிந்து மிகவும் கவலையடைந்தார்.

அதன் பிறது இரண்டு வருடங்கள் எனது A/L (+2) தேர்விற்காக நான் திருச்சி தேசிய மேல்நிலைப்பள்ளியில் கல்வி கற்றேன். கணினி அறிவியல் பிரில் சேர்ந்தேன். அங்கு ஏனோ எந்த ஆசிரியரும் எனக்கு பெரியாத மனதைக் கவரவில்லை.

1994ல் கல்லூரி வாழ்க்கை ஆரம்பம். திருச்சி உறுமு தனலட்சுமி மாலை நேரக்கல்லூரியில் இளங்கலை கணினி விஞ்ஞானம். இங்கு என் மனதைக் கவர்ந்த விரிவுரையாளர்கள் பலர். அதில் பெரிதும் கவர்ந்தவர்கள் எமது கணினித் துறை தலைவர் திரு.ஆர்.எம்.பி சேர், பௌதிகவியல் துறைத்தலைவர் திரு.சக்திவேல் சேர் அவர்கள் எப்பொழுதும் என் நினைவினில் இருக்கின்றார்கள்.

இன்று நானும் ஓர் ஆசிரியனாய் உங்கள் முன். இந்நிலையில் நான் என்னை ஆளாக்கிய ஆசிரியர்கள் அனைவரையும் நினைத்துப்பார்க்கின்றேன். அவர்களுக்கு இந்த நன்நாளில் நன்றி கூற கடைமைப்பட்டுள்ளேன். அவர்கள் அனைவரும் நீண்ட ஆயுளுடன் சிறப்பாக வாழ எல்லாம் வல்ல இறைவனைப் பிரார்த்திக்கின்றேன்.

பிறந்தநாள் வாழ்த்துக்கள்

2008-09-30T21:14:00.006+05:30

01-10-2008 அன்று பிறந்தநாள் கொண்டாடும் எங்கள் அன்புச் செல்லம் திலக்சனாவிற்கு என் இனிய பிறந்த நாள் வாழ்த்துக்களை தெரிவிப்பதில் சித்தா பெருமகிழ்ச்சி அடைகின்றேன்.

எல்லா வளமும் பெற்று பெருவாழ்வு வாழ இறைவனைப்பிரார்த்திக்கின்றேன்.

சகோதரி பிரமிளாவின் சேராத சுருதி

2008-09-01T20:11:00.005+05:30

சேராத சுருதியோடு...

காலமேடையில் - என்
கால்கள் ஆடிய நடனம்
தாளம் தப்பியதால்
சுருதி சேராத ராகங்களாகா
மௌனமாகிப் போன-என்
சலங்கையின் சங்கீதங்களோடு
சந்தோசங்களும்...
தந்தியறுந்த வீணையைப்போல
வீணாகவே........................!
முறிந்து போன கால்களுக்கடியில்
அல்லவா முற்றுப்புள்ளியான
என் நடனமும்??????????????

இனி உன் நிலை?
தந்தை முன் பெட்டிப்பாம்பு
அன்னை முன் வளர்ப்புப்பூனை
பள்ளியில் கலாட்டா
தெருவில் காடையன்
கோயிலில் கோமாளி
பட்டப்படிப்புக்கு
இத்தனை பட்டங்களா?
இனி இறைவன் முன்
உன் நிலை என்ன.........?
நவீன இளைஞனே?

விடியலின் விடிவு எது?
தினம் தினம் T.V. முன்
கண்முழித்து வாய்திறந்து
சித்திரப் பதுமைகளாய்
உலகை மறந்து
தமையும் மறந்து
இருட்டுக்குள்ளே இருளை அடக்க
குருட்டுத் தவம் செய்யும்
இளையோரே!
உங்கள் விடியலும் விடிவை
எதிர்பார்த்து முடங்கிக் கிடக்கிறது
என்பதை மறந்து விடாதீர்!

கு்ம்பாபிசேக இருவெட்டு வெளியீடு

2008-08-31T13:20:00.004+05:30

வவுனியா கோவில்குளம் அருள்மிகு ஸ்ரீ அகிலாண்டேஸ்வரி சமேத அகிலாண்டேசுரர் ஆலயத்தின் மகா கும்பாபிசேகம் கடந்த 9-7-2008 அன்று நடைபெற்றது. அதனைத் தொடர்ந்து மண்டலாபிசேகம் நடைபெற்று 27-08-2008 அன்று சங்காபிசேகத்துடன் இனிதே நிறைவு பெற்றது.

இவ்நிகழ்வுகளின் சலனப்பட (video) தொகுப்பு இரு இருவட்டுக்களில் (DVD) வெளியிடப்பட்டுள்ளது. மேலும் சிவதத்துவ மலரும் வெளியிடப்பட்டுள்ளது. இவற்றைப் பெற விரும்புவோர் கீழ்கண்ட முகவரியில் பெற்றுக் கொள்ளலாம்.

செயலாளர், அருள்மிகு ஸ்ரீ அகிலாண்டேஸ்வரி சமேத அகிலாண்டேசுரர் ஆலயம், கோவில்குளம், வவுனியா, இலங்கை. தொ.பே. 0094-24-2222651, 2221685 மின்னஞ்சல் sivankovilvavuniya@gmail.com

பெறா மகள்

2008-08-27T19:57:00.004+05:30

இது என்ற அண்ணர்ட மகள் பெயர் த.டிலக்சனா வயது 7. கொஞ்ச நேரம் என்ற கணினிய கொடுத்துப் போட்டுப் போயிருந்தன் இத வரைந்து வைத்துப் போட்டு போயிருக்கா. இம் எப்படி இருக்கு என்று கருத்து சொல்லுங்கள் பார்ப்பம். இத நான் வலைப்பதிவில் போட்டாதான் நாளைக்கு அவட்ட இருந்து தப்பிக்க முடியும்.

தமிழ் இணையதள வளர்ச்சி கருத்தரங்கம்

2008-08-23T16:03:00.007+05:30

மதுரையில் அமைந்துள்ள புகழ்பெற்ற கல்லூரி நாடார் மகாசன சங்கம் ச.வெள்ளைச்சாமி நாடார் கல்லூரியில் இன்று 23.08.2008 காலை 10.30 மணியளவில் தமிழ் இணையத்தள வளர்ச்சி கருத்தரங்கம் இனிதே தொடங்கியது. நிகழ்ச்சிக்கு வந்திருந்தவர்களை நூலகத்துறையைச்சேர்ந்த திருமதி/செல்வி.கவிதாதேவி அவர்கள் வரவேற்றார்கள். கல்லூரிப் பொருளாளர் திரு.மணிமாறன் அவர்கள் தலைமையுரை நிகழ்த்தினார்கள். கல்லூரி முதல்வர் சே.மகாத்மன் ராவ் அவர்கள் சிறப்பு விருந்தினரை அறிமுகம் செய்து வாழ்த்திப்பேசினார்கள். நூலகத்துறை நெறியாளர் முனைவர் குணசேகரன் அவர்கள் முகவுரை நிகழ்த்தினார்.

இது தொடர்பான மேலதிக விபரங்களை முனைவர்.மு.இளங்கோவன் அவர்களின் வலைப்பதிவில் பார்த்து பயனடையுங்கள்.

சகோதரி கலாஜினியின் உள்ளக் குமுறல்கள்

2008-08-17T21:18:00.009+05:30

யாசித்தவளே!
நீ துயிலும் போது இரவு சகாப்த்தத்தில்
நான் வருகிறேனா?
அந்த ஒட்டகை விழுந்த மனதில் என்னை
எண்ணிப் பாரடி.

விழிகளின் சபலத்தால் நாம் தவழ்ந்த
அந்த ஏகாந்த ராத்திரிகள் நினைவில் வரும்
துயில்களின் இரவில் இருகண்களும்
ஞாபகமூட்டிய கற்பனை சுவரொட்டிகள்
நினைவில் இருக்கின்றன.

என் விரல்கள் பட்ட உன் புருவம்
அதில் நனைந்த என் எண்ணச் சிறகுகள்
கண்ணுக் கெட்டியவரை கற்பனைகள்
சொட்டுதடி.

காதலே! நீ நிஜமானால்
என் விரல் தீ்ண்டியவளை என்னோடு
சேர்த்துவிடு.

என் தனிமைகள் என்னை சிந்திக்க
வைத்தன சிதறிய எண்ணத்தில்
எழுந்தவை இவை.
காதலியே நீ என்னை யோசிப்பாயா?!

காதலி
நான் நீயான போது தீயானாய்!
நீயான ”நான்” ஆனபோது தூவானமாய் நீயானாய்
நான் நானாக மாற முயல

நீ என் நெடுஞ்சாலையானாய்
பூவானமாய் நான் மாற
நிலவானாய் நீயாக என் கவிக்கு

முழுவானம் சுயசரிதையாய்
கவிமுகர்ந்தேன் என் கற்பனைக்கு
காதல் தாரகையாய் கவிதந்தாய் நீ தனியாக!

கலைஞானம் வடித்து பல கோவைகளில்
காதலியானாய் உன் பதில் உரையா!
காதலியானாய் என் மன பட்டம் பெற்று நீ!

இளையோரின் கவிதைகள்

2008-08-17T12:01:00.016+05:30

செல்வன்.தர்சனின் கவிதைகள் (வயது 15)

யாருக்காக???
அழிப்பதுவும் யுத்தமே ஒரு வகையில்
எம்மை காப்பதுவும் யுத்தமே!

இயற்கை தாயானவள் ஈன்றதா இவ்யுத்தம்
எழுவாள் கோரக்கரங்களாய்
கொன்று குவிப்பாள் மனித மலைகளாய்
ஏவுவாள் ஏவுகணைகளாய்
இறப்பதோ மானிட உயிர்களாய்

நான் பிறந்த புவியிலே
கூடப்பிறந்தனவோ சகோதரனாய்...
வெட்டுக்களும், குத்துக்களும்
வெள்ளமாய் இரத்தங்களும்
நான் பிறப்பில் காணவில்லை
மகிழ்ச்சியை-வாழ்வில்
காணவில்லை-உயிர்ச்சியை
மனித மரணங்கள் தான் மகிழ்ச்சி என்றால்....
சமாதானம் தான் யாருக்காக???

நட்பு
அவனியிலே பிறந்தோம்-அன்னை
மடியினிலே தவழ்ந்தோம்
கழனியில் வளர்ந்தோம்-தினம்
காற்றினிலே பறந்தோம்.

இடையினிலே வந்திடும்-நல்ல
இனிமையாய் அமைந்திடும்
பாடையிலே போகும் வரை-எம்
பார்வையிலே தங்கிவிடும்.

ஏழைக்கும் வாழ்க்கையிலே
நட்பே... எழுந்து நிற்கும் கோபுரமாகும்
காலை நிதம் என்றும்
காத்திடுவோம் நட்பினையே..

செல்வன்.பிரசாந்தின் கவிதைகள் (வயது 15)

இணையம்
கண் மூடி திறக்கும் முன்
கண்ணில் தகவலை காட்டும்
அட்சயபாத்திரம்-நீ
கடல்தாண்டி இருக்கும் எம் உறவுகளை
கண்முன்னே காட்டும் உற்ற நண்பன்-நீ
வலையாய் நீ இருந்து எமக்கு
வலைவிரிக்கும் செம்படவன் நீ!.

கல்வி
இப்பாரினிலே பிறந்த நாம்
பலர் பாராட்ட வாழ
பலர் போற்றபட நடக்க
வேண்டுமாம் கல்வி.

ஆழ்கடல் வற்றினாலும்
அலை ஓசை ஒலிக்காமல் நின்றாலும்
கல்விக் கடல் என்றுமே ஓயாத அலை
என்றும் காமதேனு.

செல்வந்தனுக்கு செல்வம் தான் பெரிது
கல்வி இல்லாவிட்டாலும் பணமுண்டு அவனிடம்
ஏழையான நமக்கு கல்விதான் உலகம்
கற்றால் தான் உணவுண்டு இல்லாவிடில் மரணமுண்டு.

செல்வன்.சேந்தனின் கவிதைகள் (வயது 15)

விளக்கு
எத்தனை நாளைக்குத் தான்
எரியப் போகுது இந்த விளக்கு
எத்தனை புயல்களிற்கு இந்த விளக்கு இலக்கு
மனிதா நீயும் விளக்கா???
அல்லது
அவ்விளக்கிற்கு நீயும் இலக்கா???

சேந்தனின் கவிதை

2008-08-16T18:31:00.004+05:30

எனது மாணவன் செல்வன்.க.சேந்தன்(வயது 15) அவர்களின் சுனாமி பற்றிய கவிதை ஆக்கத்தை இங்கே பதிவதில் நான் பெருமை கொள்கின்றேன்.

சுனாமி

இராட்சத நீர் நாக்குகளில்
பூச்சிகளாய்ப் மாட்டுபட்டனர்
நெய்தல் நில மக்கள்.

மனித நேயம்
வெளிப்பட்ட தருணம்
என்றனர் பலர்.

இயற்கையே
நீயும் தவளைப் பரிசோதனையில்
ஈடுபடத் தொடங்கி விட்டாயோ?

வேண்டாம்!
என் மக்களின் வாழ்வு
எவ்வளவோ விபரீதம் நிறைந்தது.

சியாம்குமாரின் கவிதை த் துளிகள்

2008-08-11T21:33:00.032+05:30

எழுத்தாற்றலை வளர்க்க வேண்டும், தங்கள் ஆக்கங்கள் ஏதாவது ஒரு வகையில் அங்கீரிக்கப்படும் பொழுது அதை ஆக்கியோரின் உள்ளம் மகிழும் அதற்கு ஓர் உந்து சக்தியாக எனது வலைப்பதிவு அமைய வேண்டும் என்ற ஆவலில் இப்பதிவை தொடர்கின்றேன்.

“ இதன் முதல் முயற்சியாக எனது தகவல் தொழில் நுட்ப மாணவன் செல்வன். சியாம்குமாரின் கவிதைகளை உங்களுடன் பகிர்ந்து கொள்கின்றேன் தங்களின் கருத்துக்களை பகிர்ந்து கொள்ளுங்கள்”

நீ
என் மீது நடாத்துத்தும் நிழல் யுத்தம்
என் மீது நிறைவேற்ற நினைத்த
நம்பிக்கை இல்லா தீர்மானம்
என்னை கண்டதும் வெளிநடப்பு
என்னை பேசவிடாமல் கூச்சலிடும்- நீ
இலங்கை அரசின் இனவாத கட்சியா?

சிதைவு
அடர்ந்த புருவங்களும் -உன்
அகன்ற விழிகளும்
என்னை சிதைக்கின்றன.

மன்னிப்பு
நாம் செய்த தவறுக்காக
உயர்ந்த மனிதன் தரும் பரிசு

ஞாபகம்
நான் தந்த முத்தம்
நீ இட்ட சத்தம்
நாம் செய்த குறும்பு
என் இறுதி மூச்சு வரை
மறவாது.

ஒப்பந்தம்
சாட்சிகள் இன்றி
காட்சிகள் இன்றி
விழி சொன்ன உணர்விற்கு
கைசாத்தானது...
காதல் எனும் ஒப்பந்தம் .

புரியும் (காதல்)
உன் காதுகளை கேள்-என்
பற்களின் எண்ணிக்கை சொல்லும்
உன் கண்கங்களை கேள்-என்
உதடுகளின் தடிப்பை சொல்லும்
உன் உதடுகளை கேள் என்
முத்தத்தின் வலிமை சொல்லும்
என் உள்ளத்தை கேள் -நான்
கொண்ட காதல் புரியும்.

நம் தேசம்
ஓ... தமிழனே - உன்
இறுதி இலக்கை அடைய -ஏன்
மறுக்கிறாய்? மறக்கின்றாய்?
ஜாதி மதம் மறந்திடு-உன்
தேசத்திற்காய் நிமிர்ந்திடு
உன்னால் முடியும் அடைந்திடு
உன் இனம் படும் துன்பம் அறியுமா அந்நிய தேசம்?
உன் இனத்திற்கு -ஒரு முகவரி கொடு
உன் மொழிக்கு-ஒரு முகவரி இடு-
உன் இனத்தின் துன்பத்தை துடைக்காதே
உடைத்தெறி!!!
நாளை மலரும் நம் தேசம்.

அழிவைத் தரும் பொலித்தீன் பைகள்

2008-07-27T18:48:00.000+05:30

நண்பர்களே இன்று நமது சுற்றுச் சூழலை நாசமாக்கும் காரணிகளில் முக்கிய இடத்தை பிடிப்பது சொப்பின் பேக்குகள் (மண்ணிக்கவும் சரியான தமிழ் பதம் தெரியவில்லை).

நான் எனது கொள்கைகளில் ஒன்றாகக் கடைபிடிப்பது இயன்றளவு சொப்பின் பேக்குகளை பயன்படுத்துவதில்லை. கடந்த ஒரு மாதத்தில் மட்டும் நான் கடைகாரர்கள் கொடுத்த சொப்பின் பேக்குகளை வேண்டாம் என்று சொன்ன எண்ணிக்கை சுமார் 182. இயன்ற அளவு நாம் காகித பேக்குகளையோ அல்லது நிரந்தரமாக பொருட்களை வாங்கி கொண்டு செல்வதற்கு ஒரு பையையோ வைத்திருந்தால் மிகவும் நன்றாக இருக்குமே. என்ன நண்பர்களே இன்றிலிருந்தாவது நீங்களும் சொப்பின் உபயோகத்தை சற்று குறைத்து எமது எதிர்கால சந்ததிக்கு நல்லதை செய்வோமே.

இந்திய அமைதிப்படை விட்டுச் சென்ற பரிசு

2008-07-23T20:38:00.009+05:30

கொழும்பில் இருந்து வடக்கின் வாசலாம் வவுனியாவின் முதல் சோதனைச்சாவடி ஈரட்பெரியகுளத்தில் சோதனை நிமித்தம் நிற்கும் போது அங்கே பெரிய பலகையில் எழுதப்பட்ட விடயம் சற்று என்னை சிந்திக்க வைத்தது. "எச்சரிக்கை பார்த்தீனியம் உள்ள பிரதேசத்தில் பிரவேசிக்கின்றீர்கள்" என்று. இந்திய அமைதிகாக்கும் படை எமக்கு விட்டுச் சென்ற மாறாத வடுக்களில் இதுவும் ஒன்றுதான்.

எனது நினைவுகள் சற்று பின்நோக்கி செல்கின்றது. எனக்கு வயது 12 இருக்கும் அப்போது இந்திய அமைதிப்படையின் ஒரு பிரிவினர் எமது பிரதேசத்தில் உள்ள இறம்பைக்குளத்தில் குளத்தினுள் முகாமிட்டு இருந்த காலம் அது. அங்கே அவர்கள் சாப்பிடுவதற்கென்று செம்மறி ஆடுகள் இந்தியாவில் இருந்து கொண்டு வரப்பட்டு பட்டியிடப்பட்டிருந்தது. அவைகள் மூலம் வந்தவை தான் இந்த பார்த்தீனியம். இன்று எமது வவுனியா மண்ணில் இது ஒரு சாபக்கேடடாக உள்ளன. "எச்சரிக்கை மிதிவெடிகள்" என்ற எச்சரிக்கைகளுக்கு மத்தியில் அவற்றிற்கு நிகராக இன்றும் பார்தீனியத்தின் எச்சரிக்கைகள் வேறு எம்மை கலங்கடித்துக் கொண்டுதான் இருக்கின்றன.

கமலின் சிந்தனையும் நமது எண்ணங்களும்

2008-07-21T20:35:00.004+05:30

தசாவதாரம் படம் வெளிவந்தது தான் வந்தது அதில் இருந்து இணையத்தில் அதை சிலர் விமர்சனம் என்ற பெயரில் சின்னாபின்னப்படுத்துகின்றார்கள். நம்மவர்களுக்கு கதாநாயகன் கதாநாயகி காதல், வில்லனின் எதிர்ப்பு இறுதியில் வில்லனை வென்று எமது கதாநாயகன் வென்றுவிடுவார் இது தான் நம் நாட்டு சினிமா. இதை விட்டு கமல் அவர்கள் தனது கடின உழைப்பில் உருவாக்கிய படத்தை இப்படி சிறிதும் வாஞ்சையின்றி நாம் விமர்சிப்பது மனவருத்தத்தை தருகின்றது.

ஷ

தகவல் தொழில்நுட்ப பயிலுநர்களின் பிரிவுபசார விழா

2008-07-18T20:25:00.017+05:30

எமது வவுனியா தேசிய இளைஞர் சேவைகள் மன்றத்தில் என்னிடம் தகவல் தொழில்நுட்பம் பயின்ற பயிலுநர்களின் 13வது பிரிவின் பிரிவுபசார விழா மற்றும் நன்றி கூறும் விழாவும் கடந்த 09-07-2008 அன்று நடைபெற்றது. அதன் நிழற்பட தொகுப்பு :

எனதருமை மாணவா!

2008-06-18T22:31:00.005+05:30

என் பெருமைக்குரிய மாணவன் ரவிகாந்தனைப்பற்றி இங்கு நான் கூற விரும்புகின்றேன். வவுனியா தேசிய இளைஞர் சேவைகள் மன்றத்தில் நடைபெறும் தகவல் தொழில்நுட்ப பயிற்சி நெறியில் பயின்ற மாணவர்களில் ரவிகாந்தன் அவர்களும் ஒருவர்.

வகுப்பறையில் மிகுவும் சாதுவானவர். அதிகம் கதைக்கமாட்டார். ஆனால் கூறிய பார்வையும் ஆழமான சிந்தனையும். உதட்டோரத்தில் இலேசான புண்ணகையும் இவரின் அடையாளங்கள்.

இன்று இணையத்தில் சோழர் தலைவன் என்ன புனைப்பெயருடன் கலக்கிக் கொண்டு இருக்கின்றார். இவரின் வலைப்பதிவுகள்
http://siripukal.blogspot.com/
http://iravalkal.blogspot.com/

இரவல்கள் வலைப்பதிவில் தனது கவித்திறத்தைக் காட்டியுள்ளார்.
நகைச்சுவையிலும் தான் வல்லவர் என்பதை அவரின் சிரிப்புள் வலைப்பதிவு சொல்கின்றது.

இதுமட்டுமா? எங்கு சென்றாலும் நான் இருப்பேன் என்பது போல் orkut பகுதிக்கு சென்றாலும் அங்கும் தனது எழுத்தாற்றலால் சிறந்து விளங்குகின்றார் எனது மாணவர் ரவிகாந்தன். உண்மையில் ஓர் ஆசரியர் ஒரு மாணவனை தனது மாணவன் என்று சொல்லிக் கொள்வதில் பெருமையடைகின்றார் என்றால் என்னைப் பொருத்தமட்டில் அது சோழர்தலைவன் ரவிகாந்தன் தான்.

இவரைப் போன்று தான் கற்றவற்றை எவர் ஒருவர் பயன்பாட்டில் கொண்டுவந்து பயன்படுத்த நினைக்கின்றாரோ அவரை எனது மாணவர் என்று சொல்லிக் கொள்வதில் நான் பெருமையடைகின்றேன்.

ஈழம் இந்தியாவை வென்றது

2008-05-30T14:46:00.006+05:30

ஈழத்தின் முல்லைத்தீவு மாவட்டத்தின் கிழக்குக் கரையில் செம்லை என்ற ஊரில் பிறந்த இரகுநாதன் கவியழகன் என்ற எமது தமிழ்ந் சகோதரர் ஒருவர் இந்தியாவின் மத்திய கல்வி நிறுவனத்தினால் (சி.பி.எஸ்.ஈ) பரீட்சையில் மொத்தம் 500 க்கு 464 புள்ளிகளைப் பெற்றுள்ளார்.

திருச்சி மகாத்தமா காந்தி மேல்நிலைப்பள்ளியில் கல்வி பயின்றுவரும் இம்மாணவன் கல்வியில் மட்டுமன்று, ஓவியம், மிருதங்கம் போன்ற நுண்கலைகளிலும் கோ-கோ, கிறிகட், பற்மிண்டன் (பூப்பந்து), மற்றும் தடகள விளையாட்டுக்களிலும் சிறந்த வீரனாக விளங்கி வருகிறார்.

எட்டாவது வயதில் தமிழ்நாடு ரீதியில் மணவர்கள் மத்தியில் நடைபெற்ற காரத்தே போட்டிகளில் பங்குபற்றி முதன்மைப் பதக்கங்கள் பெற்றுள்ளார். அகில இந்திய கராத்தே களகம் இவருக்கு யுவகலாபாரதிபட்டம் வழங்கி கவுரவப்படுத்தியுள்ளது. ஓவியத்துறையில் இவருடைய ஈடுபாடும் ஊக்கமும் ஒன்பது வயதிலேயே இவரை கலைமாமணி என்ற கௌரவப் பட்டத்திற்கு சொந்தக்காரனாக்கியது.

இவ்வளவு சிறப்புக்களைக் கொண்டிருக்கும் எம்மவர் சிறுவயது முதல் கல்வி கற்பதில் பல்வேறு இடையூறுகளைச் சந்திக்க வேண்டியிருந்தது. ஆயினும் இவரிடம் காணப்பட்ட சிறப்புத்தன்மைகள் காரணமாக இவரை இவர் கல்வி கற்ற மகாத்துமா காந்தி நூற்றண்டுக் கல்விக்கூடம் விசேட பயிற்சிகளில் ஈடுபடுத்தியது. அதனால் பங்கு பெறுகின்ற எந்தவொரு நிகழ்விலும் இவர் சாதனைகளைத் தனதாக்கிக்கிக் கொள்வதுடன் தான் கல்விகற்ற பாடசாலைக்கும் புகழ் சேர்ப்பதால் பள்ளி வட்டாரத்திலும் முதன்மை மாணவராகத் திகழ்கின்றார். திருச்சிராப்பள்ளி மாநிலத்திற்கும் இவரால் பெருமைகள் கிடைத்துள்ளதோடுமட்டுமின்றி இவரால் நாமும் பெருமையடைகின்றோம்.

இவருடன் இவரைப்பற்றி எமது வவுனியா தமிழ் வலைத்தளத்தில் எழுதுவதையிட்டு நானும் பெரும் உவகை அடைகின்றேன்.

வவுனியா தமிழ் கூகில் குருப் ஆரம்பம்

2008-05-27T22:59:00.003+05:30

நண்பர்களே! வவுனியா தமிழ் என்ற கூகில் குருப் ஒன்றை ஆரம்பித்துள்ளேன். இதில் அன்பர்கள் இணைந்து வவுனியா மண்ணை மணம் வீசச் செய்யுங்கள்.

http://groups.google.com/group/vavuniyatamil

மறத்தமிழர்களுக்கு என் இனிய வாழ்த்துக்கள்

2008-04-13T01:26:00.003+05:30

என் இனிய உறவுகளே! உங்கள் அனைவருக்கும் என் இதயம் கனிந்த தமி்ழ் சிங்கள புதுவருட வாழ்த்துக்கள் உரித்தாகட்டும்.

தினக்குரல் நாளேட்டிற்கு எனது மனமார்ந்த நன்றிகள்.

2008-03-30T15:24:00.003+05:30

எமது வவுனியா தமிழ் வலைப்பதிவை இவ்வாரம் (30-03-2008) அன்றைய ஞாயிறு தினக்குரலில் "வாரம் ஒரு வலைப்பதிவு பகுதியில்" வெளியிட்டமைக்கு எனது மனமார்ந்த நன்றிகள் உரித்தாகட்டும்.

எம்மை போன்ற வளர்ந்து வரும் இளைய தலைமுறையை நல்ல வழியில் வளர்த்து மற்றவர்களுக்கு அறிமுகப்படுத்தி வரும் தினக்குரல் நிறுவனத்தாருக்கு நான் என்றும் நன்றிக் கடன்பட்டுள்ளேன்.

"வாரம் ஒரு வலைப்பதிவின்" ஆசிரியரான திரு.க.தே.தாசன் எமது வலைப்பதிவை பற்றி மிகவும் திறமையாக எடுத்தியம்பியுள்ளார். அவரின் எழுத்தாற்றலுக்கு நன்றிகள் பல.

எனது ஏனைய வலைப்பதிவுகள்

itvav.blogspot.com

sivankovil.blogspot.com

shanmugha.blogpsot.com

கருங்குருவிக்கு தன்மகனின் உடையை கொடுத்த என் தங்கை

2008-03-11T11:52:00.004+05:30

எங்கள் வீட்டில் உடைகளை காயப் போட்டால் கருங்குருவிகள் அதில் கூடு கட்டி விடுகின்றன. இதனை பார்த்த என் தங்கை அவற்றை பிரிக்க மனமில்லாமல் தன் மகனின் உடையில் ஒன்றை அப்படியோ விட்டுவிட்டார். இப்பொழுது அதில் குருவியாரும் கூடுகட்டி குடித்தனமும் நடாத்தி குஞ்சும் பொரித்து விட்டார். எனக்கு இச்செயலைப் பார்த்தவுடன் "முல்லைக்கு தேர் கொடுத்த பாரி"யின் கதை தான் ஞாபகம் வந்தது.

ஆபாச கூடங்களாக மாறும் இணைய சேவை மையங்கள்

2008-01-28T11:02:00.001+05:30

இன்று எமது பிரதேசத்தில் உள்ள இளைஞர்களின் சொர்க்கபுரியாக இருப்பது பிரவுசிங் சென்ரர்கள் (மன்னிக்கவும சரியான தமிழ் பதம் தெரியவில்லை) தான். இங்கு போகும் இளைய சமூகத்தினர்களில் பலர் செல்லும் தளங்கள் ஆபாச தளங்களாகவே உள்ளது என்பது மனவேதனையை ஏற்படுத்துகின்றது. சில பிரவுசிங் சென்ரர்களில் ஆபாச வீடியோ கோப்புக்களை உரிமையாளர்களே பதிந்தும் வைத்துள்ளனர். அறிவையம் விஞ்ஞானத்தின் தகவல் தொடர்பாடல் வளர்சியை நாம் உபயோகிக்க வேண்டிய கட்டாயத்தில் உள்ளோம். ஆனால் இச்சீர்கேடுகள் நம்மை நமது கலாச்சாரத்திற்கு அப்பால் இட்டுச் சென்று விடுமோ என்று அச்சமாக உள்ளது. வெளிநாடுகளில் இதுவெல்லாம் சகஜம் என்று சப்புக்கட்டு கட்டுபவர்கள் ஒன்றை நினைவிற் கொள்ள வேண்டும். அங்கு எல்லாம் சகஜம் தானே! எதையும் தெரிந்து கொள்ள வேண்டிய வயதில் தெரிந்து கொள்ளும் விதத்தில் தெரிந்தால் அது சுவராசியமாக இருக்கும். இன்றை விவாகரத்துக்களுக்கு வித்திடுவதில் இதுவும் ஒரு காரணமாக உள்ளது. ஆபாச திரைப்படங்களை ஒழிக்க நினைக்கும் பலர் ஏன் இவ்மையங்களை கண்டு கொள்வதில்லை.

இதற்கான தீர்வு தான் என்ன?

இணைய சேவை மையங்களில் கட்டாயம் இணைய வடி கட்டி மென் பொருட்களை பயன்படுத்த வேண்டும்.
சிறுவர்களை தனிமையாக அனுமதிக்க கூடாது.
4-4 அடைப்புக்களை கட்டாயம் நீக்க வேண்டும்.

செய்யுமா அரசு ????

தொலைக்காட்சி நாடகங்களும் வவுனியா மக்களும்

2008-01-02T22:41:00.001+05:30

இன்று வவுனியாவில் பெரும்பாலான பிள்ளைகளின் கல்வி அறிவு பின்தங்கிச் செல்ல (மற்ற பிரதேசங்களிலும் தான்) தொலைக்காட்சி நாடகங்களும் ஒரு காரணம்.

முக்கியமாக அவ் நாடகங்களில் பழிவாங்களும், சூழ்ச்சியுமே அதிகமாக உள்ளது.

எமது பிரதேசத்தில் முன்பெல்லாம் மாலை நேரங்களில் முற்றங்களில் பெரியோர்கள் இருந்து சிறுபிள்ளைகளுக்கு கதை சொல்வார்கள் தங்கள் அன்றாட குடும்ப செய்திகளை பரிமாறுவார்கள். இப்பொழுது மாலை 6 மணிக்கெல்லாம் சன் ரீவியில் ஒளிபரப்பாகும் (எங்கள் ஏரியாவில் சன் ரீவி, கலைஞர் ரீவி, விஜய் ரீவி எல்லாம் இலவச ஒளிபரப்பு வேறு) அழுகை நாடகங்கள் தான்!

இவற்றை பார்க்கும் மக்களின் மனநிலை எவ்வாறு இருக்கும். சன் ரீவியில் தான் இப்படி என்றால் கலைஞர் ரீவி அதற்கு போட்டியாக இன்றும் அதிகமான பழிவாங்கள், சோக நாடகங்களை ஒளிபரப்புகின்றது. சரி விஜய் ரீவி பக்கம் திரும்பினால் அதில் நிலமை பரவாயில்லை. ஆனால் கனாக் காணும் காலங்களைப் பார்த்து விட்டு நமது பி்ள்ளைகள் அது போல மாறிவிடுவார்களோ என்ற பயம். சரி நம்நாட்டு தொலைக்காட்சிகளில் என்ன போகின்றது எனப் பார்க்கலாம் என்று திருப்பினால்?????? அதில் தென்னிந்திய செய்மதி தொலைக்காட்சி (சன், விஜய்...) களில் இருந்து கடன்வாங்கிய அதே நாடகங்கள். என்று மாறும் இந்த நாடக மேகம்.

யுனிக்கோட்டில் தமிழில் நேரடியாக எழுத இயலாதாத?

2008-01-02T22:34:00.001+05:30

யுனிக்கோடை உபயோகித்து தமிழில் நேரடியாக ரைப் செய்ய இயலாதா?
ஏன் நாம் கொன்வர்ட்டர்களை உபயோகிக்க வேண்டும்.

யுனிக்கோடின் தமிழ் லே அவுட் இருந்தா தாருங்கள்.

"ர்" இவ்வெழுத்து தமிழ் மொழியி்ல் உண்டா?

2007-09-08T08:47:00.001+05:30

"ர" போட்டு குற்று வைப்பதுதானே சரியான "ர்" ஆகும். (ர அடித்து குற்று வைத்தாலும் இப்படித்தான் வருகின்றது) . துனை எழுத்தான"ா" இதில் குற்றை வைத்தாலும் அது ர் என்று தானே வருகின்றது. இதை சரி செய்வது எப்படி?

ஒலிப்பதிவை இணைப்பது எப்படி?

2007-09-05T20:06:00.001+05:30

நண்பர்களே!
எனது வலைப்பதிவில் MP3 பாடல்களை இணைப்பது எப்படி என்று சொல்லுங்கள்.

வவுனியா மஹாவிஷ்ணு கோவில் தேர்திருவிழா

2007-09-05T14:41:00.001+05:30

வவுனியா கோவில்குளம் மஹாவிஷ்ணு ஆலய தேர்த்திருவிழா நிகழ்வு நேற்று காலை நடைபெற்றது.

எனது ஏனைய வலைப்பதிவுகள்

2007-09-01T20:54:00.001+05:30

http://shanmugha.blogspot.com/
http://sivankovil.blogspot.com/
http://itvav.blogspot.com/

கேள்வி மன்னன்

2007-08-31T18:57:00.001+05:30

எனது மாணவர்களில் ஒருவர்। ஆனால் இவர் கேட்கும் கேள்விகளுக்கு என்னால் பதில் அளிக்க இயலவில்லை। இவரின் அறிவுப்பசிக்கு விருந்தளியுங்கள்। இவரின் மின்னஞ்சல் முகவரி:

thanutsmailto:thanuts_5555@yahoo.com

திருச்சியில் எனது கல்லூரி நாட்கள்

2007-08-28T11:52:00.001+05:30

எனது இனிய திருச்சி நண்பர்களே! உங்களுடன் நான் பகிர்ந்து கொண்ட எனது பசுமையான நாட்களை சற்றுத்திரும்பிப்பார்க்கின்றேன்.

நவீண் கம்பியூட்டர்சும், லட்சுமி காம்பிளக்சும், உறையூர் திருத்தாண்தன்னி வீதியும் மறந்து போகுமா?

தமிழ்வேந்தன் அண்ணாவுடன் பழகிய Auto Data System கம்மாளத்தெருவீதிகள் இன்றும் நினைவில் நிற்கின்றன.

------------

UDC உறுமு தனலட்சுமி மாலை நேரக்கல்லூரியில் BSc. Computer Science படித்த காலங்களில் நான் யாரிடமும் மனவிட்டு பழகியதில்லை. அதற்காக இன்று வருத்தப்படுகின்றேன். நந்தகுமார் நீ எங்கே இருக்கின்றாய்?

கிருஷ்ணர் கோவில்-கோவில்குளம்

2007-08-26T13:30:00.001+05:30

வவுனியா கோவில்குளம் அருள்மிகு சிறிதேவி பூதேவி சமேத சிறிமகாகாவிஷ்ணு ஆலய வருடாந்த அலங்கார உற்சவமும் கிருஷ்ணஜெயந்தி விழா விஞ்ஞாபனமும்27-08-2007 அன்று காலை 10.00 மணிக்கு ஆரம்பமாகி 06-09-2007 ஆஞ்சநேயர் உற்சவத்துடன் முடிவடைகின்றது.