Exam

ஞாயிறு, 27 ஜூலை, 2008

அழிவைத் தரும் பொலித்தீன் பைகள்

நண்பர்களே இன்று நமது சுற்றுச் சூழலை நாசமாக்கும் காரணிகளில் முக்கிய இடத்தை பிடிப்பது சொப்பின் பேக்குகள் (மண்ணிக்கவும் சரியான தமிழ் பதம் தெரியவில்லை).

நான் எனது கொள்கைகளில் ஒன்றாகக் கடைபிடிப்பது இயன்றளவு சொப்பின் பேக்குகளை பயன்படுத்துவதில்லை. கடந்த ஒரு மாதத்தில் மட்டும் நான் கடைகாரர்கள் கொடுத்த சொப்பின் பேக்குகளை வேண்டாம் என்று சொன்ன எண்ணிக்கை சுமார் 182. இயன்ற அளவு நாம் காகித பேக்குகளையோ அல்லது நிரந்தரமாக பொருட்களை வாங்கி கொண்டு செல்வதற்கு ஒரு பையையோ வைத்திருந்தால் மிகவும் நன்றாக இருக்குமே. என்ன நண்பர்களே இன்றிலிருந்தாவது நீங்களும் சொப்பின் உபயோகத்தை சற்று குறைத்து எமது எதிர்கால சந்ததிக்கு நல்லதை செய்வோமே.

புதன், 23 ஜூலை, 2008

இந்திய அமைதிப்படை விட்டுச் சென்ற பரிசு

கொழும்பில் இருந்து வடக்கின் வாசலாம் வவுனியாவின் முதல் சோதனைச்சாவடி ஈரட்பெரியகுளத்தில் சோதனை நிமித்தம் நிற்கும் போது அங்கே பெரிய பலகையில் எழுதப்பட்ட விடயம் சற்று என்னை சிந்திக்க வைத்தது. "எச்சரிக்கை பார்த்தீனியம் உள்ள பிரதேசத்தில் பிரவேசிக்கின்றீர்கள்" என்று. இந்திய அமைதிகாக்கும் படை எமக்கு விட்டுச் சென்ற மாறாத வடுக்களில் இதுவும் ஒன்றுதான்.
எனது நினைவுகள் சற்று பின்நோக்கி செல்கின்றது. எனக்கு வயது 12 இருக்கும் அப்போது இந்திய அமைதிப்படையின் ஒரு பிரிவினர் எமது பிரதேசத்தில் உள்ள இறம்பைக்குளத்தில் குளத்தினுள் முகாமிட்டு இருந்த காலம் அது. அங்கே அவர்கள் சாப்பிடுவதற்கென்று செம்மறி ஆடுகள் இந்தியாவில் இருந்து கொண்டு வரப்பட்டு பட்டியிடப்பட்டிருந்தது. அவைகள் மூலம் வந்தவை தான் இந்த பார்த்தீனியம். இன்று எமது வவுனியா மண்ணில் இது ஒரு சாபக்கேடடாக உள்ளன. "எச்சரிக்கை மிதிவெடிகள்" என்ற எச்சரிக்கைகளுக்கு மத்தியில் அவற்றிற்கு நிகராக இன்றும் பார்தீனியத்தின் எச்சரிக்கைகள் வேறு எம்மை கலங்கடித்துக் கொண்டுதான் இருக்கின்றன.

திங்கள், 21 ஜூலை, 2008

கமலின் சிந்தனையும் நமது எண்ணங்களும்

தசாவதாரம் படம் வெளிவந்தது தான் வந்தது அதில் இருந்து இணையத்தில் அதை சிலர் விமர்சனம் என்ற பெயரில் சின்னாபின்னப்படுத்துகின்றார்கள். நம்மவர்களுக்கு கதாநாயகன் கதாநாயகி காதல், வில்லனின் எதிர்ப்பு இறுதியில் வில்லனை வென்று எமது கதாநாயகன் வென்றுவிடுவார் இது தான் நம் நாட்டு சினிமா. இதை விட்டு கமல் அவர்கள் தனது கடின உழைப்பில் உருவாக்கிய படத்தை இப்படி சிறிதும் வாஞ்சையின்றி நாம் விமர்சிப்பது மனவருத்தத்தை தருகின்றது.
ஷ

வெள்ளி, 18 ஜூலை, 2008

தகவல் தொழில்நுட்ப பயிலுநர்களின் பிரிவுபசார விழா

எமது வவுனியா தேசிய இளைஞர் சேவைகள் மன்றத்தில் என்னிடம் தகவல் தொழில்நுட்பம் பயின்ற பயிலுநர்களின் 13வது பிரிவின் பிரிவுபசார விழா மற்றும் நன்றி கூறும் விழாவும் கடந்த 09-07-2008 அன்று நடைபெற்றது. அதன் நிழற்பட தொகுப்பு :





புதன், 18 ஜூன், 2008

எனதருமை மாணவா!

என் பெருமைக்குரிய மாணவன் ரவிகாந்தனைப்பற்றி இங்கு நான் கூற விரும்புகின்றேன். வவுனியா தேசிய இளைஞர் சேவைகள் மன்றத்தில் நடைபெறும் தகவல் தொழில்நுட்ப பயிற்சி நெறியில் பயின்ற மாணவர்களில் ரவிகாந்தன் அவர்களும் ஒருவர்.

வகுப்பறையில் மிகுவும் சாதுவானவர். அதிகம் கதைக்கமாட்டார். ஆனால் கூறிய பார்வையும் ஆழமான சிந்தனையும். உதட்டோரத்தில் இலேசான புண்ணகையும் இவரின் அடையாளங்கள்.

இன்று இணையத்தில் சோழர் தலைவன் என்ன புனைப்பெயருடன் கலக்கிக் கொண்டு இருக்கின்றார். இவரின் வலைப்பதிவுகள்
http://siripukal.blogspot.com/
http://iravalkal.blogspot.com/

இரவல்கள் வலைப்பதிவில் தனது கவித்திறத்தைக் காட்டியுள்ளார்.
நகைச்சுவையிலும் தான் வல்லவர் என்பதை அவரின் சிரிப்புள் வலைப்பதிவு சொல்கின்றது.

இதுமட்டுமா? எங்கு சென்றாலும் நான் இருப்பேன் என்பது போல் orkut பகுதிக்கு சென்றாலும் அங்கும் தனது எழுத்தாற்றலால் சிறந்து விளங்குகின்றார் எனது மாணவர் ரவிகாந்தன். உண்மையில் ஓர் ஆசரியர் ஒரு மாணவனை தனது மாணவன் என்று சொல்லிக் கொள்வதில் பெருமையடைகின்றார் என்றால் என்னைப் பொருத்தமட்டில் அது சோழர்தலைவன் ரவிகாந்தன் தான்.

இவரைப் போன்று தான் கற்றவற்றை எவர் ஒருவர் பயன்பாட்டில் கொண்டுவந்து பயன்படுத்த நினைக்கின்றாரோ அவரை எனது மாணவர் என்று சொல்லிக் கொள்வதில் நான் பெருமையடைகின்றேன்.

வெள்ளி, 30 மே, 2008

ஈழம் இந்தியாவை வென்றது

ஈழத்தின் முல்லைத்தீவு மாவட்டத்தின் கிழக்குக் கரையில் செம்லை என்ற ஊரில் பிறந்த இரகுநாதன் கவியழகன் என்ற எமது தமிழ்ந் சகோதரர் ஒருவர் இந்தியாவின் மத்திய கல்வி நிறுவனத்தினால் (சி.பி.எஸ்.ஈ) பரீட்சையில் மொத்தம் 500 க்கு 464 புள்ளிகளைப் பெற்றுள்ளார்.

திருச்சி மகாத்தமா காந்தி மேல்நிலைப்பள்ளியில் கல்வி பயின்றுவரும் இம்மாணவன் கல்வியில் மட்டுமன்று, ஓவியம், மிருதங்கம் போன்ற நுண்கலைகளிலும் கோ-கோ, கிறிகட், பற்மிண்டன் (பூப்பந்து), மற்றும் தடகள விளையாட்டுக்களிலும் சிறந்த வீரனாக விளங்கி வருகிறார்.

எட்டாவது வயதில் தமிழ்நாடு ரீதியில் மணவர்கள் மத்தியில் நடைபெற்ற காரத்தே போட்டிகளில் பங்குபற்றி முதன்மைப் பதக்கங்கள் பெற்றுள்ளார். அகில இந்திய கராத்தே களகம் இவருக்கு யுவகலாபாரதிபட்டம் வழங்கி கவுரவப்படுத்தியுள்ளது. ஓவியத்துறையில் இவருடைய ஈடுபாடும் ஊக்கமும் ஒன்பது வயதிலேயே இவரை கலைமாமணி என்ற கௌரவப் பட்டத்திற்கு சொந்தக்காரனாக்கியது.

இவ்வளவு சிறப்புக்களைக் கொண்டிருக்கும் எம்மவர் சிறுவயது முதல் கல்வி கற்பதில் பல்வேறு இடையூறுகளைச் சந்திக்க வேண்டியிருந்தது. ஆயினும் இவரிடம் காணப்பட்ட சிறப்புத்தன்மைகள் காரணமாக இவரை இவர் கல்வி கற்ற மகாத்துமா காந்தி நூற்றண்டுக் கல்விக்கூடம் விசேட பயிற்சிகளில் ஈடுபடுத்தியது. அதனால் பங்கு பெறுகின்ற எந்தவொரு நிகழ்விலும் இவர் சாதனைகளைத் தனதாக்கிக்கிக் கொள்வதுடன் தான் கல்விகற்ற பாடசாலைக்கும் புகழ் சேர்ப்பதால் பள்ளி வட்டாரத்திலும் முதன்மை மாணவராகத் திகழ்கின்றார். திருச்சிராப்பள்ளி மாநிலத்திற்கும் இவரால் பெருமைகள் கிடைத்துள்ளதோடுமட்டுமின்றி இவரால் நாமும் பெருமையடைகின்றோம்.

இவருடன் இவரைப்பற்றி எமது வவுனியா தமிழ் வலைத்தளத்தில் எழுதுவதையிட்டு நானும் பெரும் உவகை அடைகின்றேன்.

செவ்வாய், 27 மே, 2008

வவுனியா தமிழ் கூகில் குருப் ஆரம்பம்

நண்பர்களே! வவுனியா தமிழ் என்ற கூகில் குருப் ஒன்றை ஆரம்பித்துள்ளேன். இதில் அன்பர்கள் இணைந்து வவுனியா மண்ணை மணம் வீசச் செய்யுங்கள்.

http://groups.google.com/group/vavuniyatamil

ஞாயிறு, 13 ஏப்ரல், 2008

மறத்தமிழர்களுக்கு என் இனிய வாழ்த்துக்கள்

என் இனிய உறவுகளே! உங்கள் அனைவருக்கும் என் இதயம் கனிந்த தமி்ழ் சிங்கள புதுவருட வாழ்த்துக்கள் உரித்தாகட்டும்.

ஞாயிறு, 30 மார்ச், 2008

தினக்குரல் நாளேட்டிற்கு எனது மனமார்ந்த நன்றிகள்.

எமது வவுனியா தமிழ் வலைப்பதிவை இவ்வாரம் (30-03-2008) அன்றைய ஞாயிறு தினக்குரலில் "வாரம் ஒரு வலைப்பதிவு பகுதியில்" வெளியிட்டமைக்கு எனது மனமார்ந்த நன்றிகள் உரித்தாகட்டும்.


எம்மை போன்ற வளர்ந்து வரும் இளைய தலைமுறையை நல்ல வழியில் வளர்த்து மற்றவர்களுக்கு அறிமுகப்படுத்தி வரும் தினக்குரல் நிறுவனத்தாருக்கு நான் என்றும் நன்றிக் கடன்பட்டுள்ளேன்.


"வாரம் ஒரு வலைப்பதிவின்" ஆசிரியரான திரு.க.தே.தாசன் எமது வலைப்பதிவை பற்றி மிகவும் திறமையாக எடுத்தியம்பியுள்ளார். அவரின் எழுத்தாற்றலுக்கு நன்றிகள் பல.

எனது ஏனைய வலைப்பதிவுகள்
itvav.blogspot.com
sivankovil.blogspot.com
shanmugha.blogpsot.com

செவ்வாய், 11 மார்ச், 2008

கருங்குருவிக்கு தன்மகனின் உடையை கொடுத்த என் தங்கை


எங்கள் வீட்டில் உடைகளை காயப் போட்டால் கருங்குருவிகள் அதில் கூடு கட்டி விடுகின்றன. இதனை பார்த்த என் தங்கை அவற்றை பிரிக்க மனமில்லாமல் தன் மகனின் உடையில் ஒன்றை அப்படியோ விட்டுவிட்டார். இப்பொழுது அதில் குருவியாரும் கூடுகட்டி குடித்தனமும் நடாத்தி குஞ்சும் பொரித்து விட்டார். எனக்கு இச்செயலைப் பார்த்தவுடன் "முல்லைக்கு தேர் கொடுத்த பாரி"யின் கதை தான் ஞாபகம் வந்தது.